រតនគិរី៖នៅសាលាខេត្តរតនគិរី កាលពីរសៀលថ្ងៃទី២៥ ខែធ្នូ ឆ្នាំ២០២៤បានរៀបចំពិធីប្រកាសចូលកាន់តំណែងក្នុង​រដ្ឋបាលខេត្តចំនួន៤រូបក្រោមអធិបតីភាព ឯកឧត្តម ញ៉ែម សំអឿន អភិបាលខេត្តរតនគិរី និងមន្រ្តីថ្នាក់ដឹកនាំខេត្តជាច្រើន
រូប ។

សូមជម្រាបថាទី១. លោក ម៉ឹង ស៊ីនាថ ត្រូវបានតែងតាំងនាយក​រដ្ឋបាលសាលាខេត្តរតនគិរី,២.លោក មួង មករា ជានាយក​រង​រដ្ឋបាលសាលាខេត្ត,៣.លោក វ៉ាន់ ជាលី ជានាយកទីចាត់​ការ​គ្រប់គ្រងធនធានមនុស្សនិងទី៤.លោក ឈាង សុភ័ក្ត្រ ជា​ប្រធាន​ការិយាល័យគ្រប់គ្រងបុគ្គលិក ចំណុះរចនាសម្ព័ន្ធទីចាត់ការ​គ្រប់​គ្រងធនធានមនុស្ស សាលាខេត្តរតនគិរី។

ក្នុងឱកាសនេះឯកឧត្តម ញ៉ែម សំអឿន អភិបាលខេត្តរតនគិរីបាន​ធ្វើការផ្តាំផ្ញើដល់មន្រ្តីចូលកាន់តំណែងថ្មីលើការងារអាទិភាព​មួយចំនួន ពិសេលគឺការរួមសហការគ្នាអនុវត្តការងារដោយរលូន និងរក្សាបាន​នូវសាមគ្គីភាពផ្ទៃក្នុង ក៏ដូចជា​មួយមន្ទីរ អង្គភាព អាជ្ញាធរមូលដ្ឋាន និងអ្នកពាក់ព័ន្ធ ៕

ដោយ៖ គតិ យុត្ត