បរទេស ៖ ក្រសួងស្ថានការណ៍គ្រាអាសន្ន របស់ប្រទេសកាហ្សាក់ស្ថាន បានចេញផ្សាយរូបភាព បង្ហាញពីការប្រមូលផ្តុំរថយន្តជិតមួយរយគ្រឿង បុកតកន្ទុយគ្នា និង ជាប់គាំង នៅលើផ្លូវ តភ្ជាប់ពីរដ្ឋធានី Astana ទៅកាន់ទីក្រុងភាគខាងជើង Petropavl ក្នុងកំឡុងពេលជួបព្យុះព្រិល។

យោងតាមក្រសួងគ្រាអាសន្ន បានឲ្យដឹងថា មនុស្សជាង១០នាក់ រងរបួស ត្រូវបានគេបញ្ជូន ទៅកាន់មន្ទីរពេទ្យ ប៉ុន្តែ មិនមានអ្នករងគ្រោះ ដល់អាយុជីវិតឡើយ ។

ប្រតិបត្តិករ ផ្លូវជាតិរបស់ប្រទេសកាហ្សាក់ស្ថាន លោក KazAvtoJol និយាយថា ក្នុងពេលមានព្យុះព្រិល បានធ្វើឲ្យការបើកបរ ស្ថិតក្នុង «លក្ខខណ្ឌមើលឃើញទាប» និង «មិនសមស្របនឹងដែនកំណត់ល្បឿន នៅផ្លូវជាតិ»។

យោងតាមទីភ្នាក់ងារសារព័ត៌មាន Kazinform បានឱ្យដឹងថា រថយន្តប្រហែល១០០ គ្រឿងបានជាប់គាំងក្នុងហេតុការ ដែលបានកើតឡើង កាលពីវេលាម៉ោង១និង៣០នាទី រសៀល ថ្ងៃទី៣ ខែមករា នាពេលនោះ៕

ប្រភពពី AFP ប្រែសម្រួល៖ សារ៉ាត