បរទេស ៖ ប្រធានាធិបតីនៃប្រទេសរុស្ស៊ី បាននិយាយ កាលពីថ្ងៃសុក្រ ដោយបង្ហាញពីក្តីសង្ឃឹមថា បទឈប់បាញ់ នៅតំបន់ហ្គាហ្សា នឹងនាំទៅរកស្ថិរភាព រយៈពេលយូរអង្វែង។

ក្រៅពីរំពឹងលើបទឈប់បាញ់ នៅហ្គាហ្សា មានរយៈពេលយូរ ប្រធានាធិបតីរុស្ស៊ី លោក វ្ល៉ាឌីមៀ ពូទីន ថែមទាំងបានអំពាវនាវ ឱ្យមានការខិតខំប្រឹងប្រែង ដើម្បីធានាបាននូវ ដំណោះស្រាយ ដ៏ទូលំទូលាយ លើជម្លោះ ប៉ាឡេស្ទីន-អ៊ីស្រាអែល ទៀតផង ប៉ុន្តែ គឺ ត្រូវផ្អែកលើច្បាប់អន្តរជាតិ។

ក្នុងពេលនិយាយអំពីកិច្ចព្រមព្រៀង បទឈប់បាញ់ ដែលសម្រេចបាន រវាងអ៊ីស្រាអែល និងក្រុមហាម៉ាស លោក ពូទីន បាននិយាយថា «យើងសង្ឃឹមថា ការណ៍នេះ នឹងរួមចំណែកដល់ការបន្ធូរបន្ថយស្ថានភាពតានតឹង លើមនុស្សធម៌ និងដល់ស្ថិរភាពយូរអង្វែង ផ្នែកជំនួយមនុស្សធម៌នេះ»។

លោក ពូទីន បាននិយាយបែបនេះ ក្នុងពេលមានវត្តមាន ទទួលជួបជាមួយប្រធានាធិបតីអ៊ីរ៉ង់ នៅឯវិមានក្រឹមឡាំង៕

ប្រភពពី AFP ប្រែសម្រួល៖ សារ៉ាត