បរទេស៖ នៅខែក្រោយ ប្រទេសសិង្ហបុរីគ្រោងនឹងផ្តល់លុយ ចន្លោះពី ១៤៦ដុល្លារ ទៅ២២០ដុល្លារ ដល់ក្រុមមនុស្សវ័យចំណាស់ អាយុចាប់ពី ៥៥ឆ្នាំឡើងទៅ ហើយនេះគឺជាផ្នែកមួយ នៃកញ្ចប់ជំនួយ AP MediSave នេះបើតាមក្រសួងហិរញ្ញវត្ថុ ចេញផ្សាយដោយកាសែត VNexpress។

ក្រសួងបានអះអាងថា មនុស្សវ័យចំណាស់ទាំងនេះ គឺជាក្រុមមានចំណូលទាប ដែលមានប្រមាណ៨៥ម៉ឺននាក់។ កម្មវិធីកញ្ចប់ធានារ៉ាប់រងនេះ ត្រូវបានអនុម័ត កាលពីឆ្នាំមុន ដោយនឹងបង្កើនប្រាក់ចំនួន ១,៩ពាន់លានដុល្លារ ដើម្បីផ្តល់មូលនិធិគាំទ្រពលរដ្ឋរបស់ខ្លួន។

សម្រាប់មូលនិធិនេះ គ្រប់ជនជាតិសិង្ហបុរី ដែលមានអាយុចាប់ពី ២០ឆ្នាំឡើងទៅ ឬ ៥៥ ឆ្នាំឡើងទៅ នឹងទទួលបាន ទឹកប្រាក់ ចំនួន១៥០ដុល្លារ នៅក្នុងគណនីរបស់ពួកគេផងដែរ តាមរយៈកម្មវិធី AP MediSaveនេះ។ ការទូទាត់ត្រូវបានកំណត់ ដើម្បីទៅដល់ប្រជាជនក្នុងស្រុក សរុបប្រហែល ពីរលាននាក់៕

ប្រភពពី VNexpress ប្រែសម្រួល៖ សារ៉ាត