កំពង់ឆ្នាំង៖លោក ក្រឹង សំអាត ប្រធានការិយាល័យផលិតកម្ម និងបសុព្យា​បាល​នៃមន្ទីរ​កសិកម្ម រុក្ខាប្រមាញ់ និង​នេសាទ​ខេត្ត​កំពង់ឆ្នាំងសហការជាមួយ អាជ្ញាធរ​ភូមិ ឃុំ និងភ្នាក់ងារសុខភាពសត្វភូមិ ចុះយុទ្ធនាការចាក់វ៉ាក់សាំងការពារ​ជំងឺ​សារ​ទឹក​គោក្របីរបស់ប្រជាពលរដ្ឋនៅភូមិដូនទយ ឃុំសែប ស្រុកកំពង់ត្រឡាច ខេត្តកំពង់ឆ្នាំង ។
គោលបំណងនៃការចាក់វ៉ាក់សាំងនេះដើម្បីកាត់បន្ថយអត្រាសត្វឈឺ និងស្លាប់​ជំងឺ​ឆ្លងសត្វគោក្របីតាមរយៈការផ្តល់វ៉ាក់សាំង និងការផ្សព្វផ្សាយអំពីអត្ថ​ប្រយោជន៍នៃការយកចិត្តទុកដាក់ថែទាំនិងផ្តល់ចំណីដល់សត្វឱ្យបានគ្រប់គ្រាន់នៅរដូវក្តៅនេះ។
ក្នុងសកម្មភាពនេះការិយាល័យជំនាញ ក៏បានចែកជូននូវសម្ភារៈបសុពេទ្យ និងវ៉ាក់សាំងដល់ភ្នាក់ងារ​សុខភាព​សត្វភូមិ​សម្រាប់ចាក់ គោក្របីបន្តទៀត។
ដោយឡែកសកម្មភាពក្នុងការចាក់វ៉ាក់សាំងក្រុមការងារបានឱ្យគោ ក្របី ចំនួន៣១៥ក្បាល៕
ដោយ៖សុខ គឹមសៀន