របាំងស្បៃមុងល្មើសច្បាប់ជាងមួយម៉ឺនម៉ែត្រត្រូវបានបំផ្លាញចោលនៅស្រុកបរិបូណ៌
កំពង់ឆ្នាំង៖របាំងសាច់អួនចំនួន២២ទីតាំង(ក្នុងស្រុកបរិបូណ៌១៤ទីតាំង),លបឡុក ចំនួន ៣៥ឡុក -របាំងស្បៃមុងប្រវែង ១៤,០៣៤ម៉ែត្រ -ចម្រឹង ១៧៨ដើមដែលជាឧបករណ៍នេសាទល្មើសច្បាប់ស្ថិតនៅខេត្តកំពង់ឆ្នាំងត្រូវបានបំផ្លាញចោលនៅនឹងកន្លែង ក្នុងការបង្រ្កាបដោយកម្លាំងចម្រុះកាលពីថ្ងៃទី៦ ខែកុម្ភៈឆ្នាំ២០២៥។
ឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង សហការជាមួយកម្លាំងយោធភូមិភាគទី៥ កងពលតូចលេខ៧០ និងបញ្ជាការដ្ឋានទ័ពពិសេស៩១១បានប្រតិបត្តិការបង្ក្រាបបទល្មើសនេសាទនៅភូមិកណ្តាលនិង ភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង និង នៅក្នុងភូមិឆ្នុកទ្រូ និងងភូមិសេះស្លាប់ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ។
ក្នុងប្រតិបត្តិការកម្លាំងចម្រុះបានរកឃើញនិងបំផ្លាញចោលនៅនឹងកន្លែងនូវ របាំងសាច់អួនចំនួន២២ទីតាំង(ក្នុងស្រុកបរិបូណ៌១៤ទីតាំង),លបឡុក ចំនួន ៣៥ឡុក , របាំងស្បៃមុងប្រវែង ១៤,០៣៤ម៉ែត្រ ,ចម្រឹង ១៧៨ដើមនិងចាក់លែងកូនត្រីចម្រុះចូលដែននេសាទវិញចំនួន៩៧គីឡូក្រាម។
ឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំងបានឱ្យដឹងបន្ថែមថា ក្នុងសកម្មភាពនៅថ្ងៃដដែលកម្លាំងចម្រុះបានអប់រំដល់ប្រជានេសាទឱ្យរុះរើរបាំងដោយខ្លួនឯងចំនួន៩ទីតាំង៕
ដោយ៖សុខ គឹមសៀន
