ស្វាយរៀង៖ពលរដ្ឋចំនួន១២០គ្រួសារ និងសិស្សានុសិស្សចំនួន៥៧៧នាក់ មកពី៧សាលា ព្រះសង្ឃចំនួន ៥វត្ត ស្ថិត​ក្នុង​ស្រុកកំពង់រោទិ៍ ខេត្តស្វាយរៀង កាលពីថ្ងៃទី១៤ ខែកុម្ភៈ ឆ្នាំ២០២៥បានទទួលអំណោយពីសប្បុរសធម៌មាន បច្ច័យ គ្រឿង ឧបភោគបរិភោគ និងថវិកាមួយចំនួនពី​លោកអគ្គ​នាយក​ក្រុមហ៊ុន ឡាក់គី រ៉ូប៊ី។ ការបរិច្ចាគនេះចំថ្ងៃទិវានេះសេចក្តីស្រឡាញ់។

លោក លីម គឹមសេង អគ្គនាយកក្រុមហ៊ុន ឡាក់គី រ៉ូប៊ី បានលើកឡើងថា ទម្រាំលោកមានថ្ងៃនេះ អតីតកាលគ្រួសារ​របស់លោក និងរូបលោកមាន ជីវភាពលំបាកខ្លាំងណាស់ ដូច្នេះហើយទើបលោកតែងយកទិវា នៃសេចក្តីស្រឡាញ់​១៤ កុម្ភៈចែករំលែកនូវទានមនុស្សធម៌នេះ ជា​រៀងរាល់ឆ្នាំដើម្បីផ្ដល់ជូននូវក្តីស្រឡាញ់ដល់មនុស្សគ្រប់រូប។

ក្នុងពិធីនេះដែរលោកស្រី វ៉ា សុជាតា អភិបាលរងស្រុកកំពង់រោទិ៍ ជាមួយនឹងការសំណេះសំណាល លោកស្រីក៏បាន​ថ្លែងអំណរគុណ ដល់លោកអគ្គនាយកក្រុមហ៊ុន ឡាក់គី រ៉ូប៊ី ដែលតែងតែគិតគូ រយកចិត្តទុកដាក់និងចែករំលែកនូវថវិកា ស្បៀងអាហារជា រឿយៗដល់ប្រជាពលរដ្ឋស្រុកកំពង់រោទិ៍។

សូមបញ្ជាក់ថា ដើម្បីញ៉ាំងឱ្យបរិយាកាសឱ្យមានភាពសប្បាយរីករាយ លោកអគ្គនាយកក្រុមហ៊ុន បានរៀបចំកម្មវិធី​កម្សាន្តសប្បាយដោយ អនុញ្ញាតឱ្យមហាជនអាចចូលរួម ការចាប់ដៃគូប្រឡងញ៉ាំផ្លែឈើទទួល បានរង្វាន់លេខ១ ចំនួន ១.០០០ដុល្លារ រង្វាន់លើកទឹកចិត្តក្នុង១គូ ,ចំនួន ៣០០ដុល្លារ និងការប្រឡងចម្រៀង អ្នកទទួលបានជ័យលាភីលេខ១. ទទួលបានរង្វាន់ធំទឹកប្រាក់ ៥.០០០ដុល្លារ ,លេខ២.រង្វាន់ទឹកប្រាក់ ២.០០០ដុល្លារ និងរង្វាន់លើកទឹកចិត្ត ៣០០ដុល្លារ ក្នុងបេក្ខជន ម្នាក់ៗ ពីគណៈកម្មការផ្ដល់ពិន្ទុដោយ កញ្ញា យូរី ,នាយចឺម និងលោក នីកូ សុទ្ធសឹងជាតារាចម្រៀងដ៏​មាន​ប្រជាប្រិយភាព នៅព្រះរាជាណាចក្រ កម្ពុជាផងដែរ៕
ដោយ៖នុត នាង