អភិបាលរងខេត្តកំពង់ធំ នាំយកអាហារទៅផ្តល់ជូនអ្នក​ជំងឺកំពុងសម្រាកព្យាបាលនៅមន្ទីរពេទ្យបង្អែកខេត្តកំពង់ធំ

កំពង់ធំ៖ លោក ញឹក បានខេង អភិបាលរងខេត្តកំពង់ធំ និងលោកស្រី ព្រមទាំងក្រុមគ្រួសារកាលពីថ្ងៃទី៤ ខែមីនា អញ្ជើញសួរសុខទុក្ខ និងនាំអំណោយជាម្ហូបអាហារ ព្រមទាំង​សម្ភារៈប្រើប្រាស់ទៅផ្តល់ជូនអ្នកជំងឺ១៨០នាក់ដែលកំពុង សម្រាកព្យាបាល នៅមន្ទីរពេទ្យបង្អែកខេត្តកំពង់ធំ ។

ក្នុងកម្មវិធីនេះលោក ញឹក បានខេង បានអរគុណដល់​ក្រុមគ្រូពេទ្យ ព្រមលើកទឹកចិត្តដល់គ្រូពេទ្យឱ្យបន្ត​យក​ចិត្តទុកដាក់ ព្យាបាលជូនប្រជាពលរដ្ឋដែលសម្រាកព្យា​បាល​នៅមន្ទីរពេទ្យ ។ លោកក៏បានស្នើដល់ថ្នាក់ដឹកនាំមន្ទីរពេទ្យ យកចិត្តទុកដាក់លើបរិស្ថានស្អាត អនាម័យល្អ និងបម្រើសេវា​ប្រកបក្រមសីលធម៌វិជ្ជាជីវៈ៕
ដោយ៖​ប៊ុន​រដ្ឋា

ads banner