ឯកឧត្តម ប៉ុន សុខ ដឹកនាំមន្រ្តីក្រោមឱវាទចុះសួរសុខទុក្ខ លោកគ្រូ អម ផាត ដែលកំពុងសម្រាក់ព្យាបាលជម្ងឺនៅមន្ទីរពេទ្យព្រះកុសមៈ
(ភ្នំពេញ)៖ ឯកឧត្តម ប៉ុន សុខ អគ្គនាយក នៃអគ្គនាយកដ្ឋានកីឡា និងជាតំណាងដ៏ខ្ពង់ខ្ពស់ឯកឧត្តមបណ្ឌិត សភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងឯកឧត្តម សុខ សង្វារ រដ្ឋលេខាធិការក្រសួងមុខងារសាធារណៈ និងជាអនុប្រធានទទួលបន្ទុកផ្នែកកីឡាយុវជនថ្នាក់កណ្តាលគណបក្សប្រជាជនកម្ពុជា បានដឹកនាំក្រុមការងារក្រោមឱវាទអគ្គនាយកដ្ឋានកីឡាបានអញ្ជើញចុះសួរសុខទុក្ខលោកគ្រូ អម ផាត ដែលកំពុងសម្រាក់ព្យាបាលជម្ងឺនៅមន្ទីរពេទ្យព្រះកុសមៈ និងបានពាំនាំយកថវិកាមួយចំនួន ១លានរៀល របស់ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងឯកឧត្តម សុខ សង្វារ រដ្ឋលេខាធិការក្រសួងមុខងារសាធារណៈ និងជាអនុប្រធានទទួលបន្ទុកផ្នែកកីឡាយុវជនថ្នាក់កណ្តាលគណបក្សប្រជាជនកម្ពុជា ថវិកាចំនួន ១លានរៀល ទៅជូនលោកគ្រូដល់មន្ទីរពេទ្យ សរុបចំនួន ២លានរៀល នេះសរបញ្ជាក់ឃើញយ៉ាងច្បាស់ពីការយកចិត្តទុកដាក់របស់ថ្នាក់ដឹកនាំចំពោះសុខទុក្ខរបស់មន្ត្រីគ្រប់រូប។
ឯកឧត្តម ប៉ុន សុខ អគ្គនាយក នៃអគ្គនាយកដ្ឋានកីឡា បានជូនពរឱ្យ លោកគ្រូ ឆាប់ជាសះស្បើយ និងមានសុខភាពល្អបរិបូរណ៍ឡើងវិញ ដើម្បីបន្តភារកិច្ចការងារក្នុងវិស័យកីឡាឱ្យកាន់តែរីកចម្រើនក្រោមម្លប់នៃសុខសន្តិភាព ការអភិវឌ្ឍ ៕
ដោយ ៖ ជាវ ចន្ធូ
