ស្នងការនគរបាលខេត្តកំពង់ធំ ពង្រឹងការទទួលខុសត្រូវដល់មន្ត្រីនគរបាល ខណៈបុណ្យចូលឆ្នាំឈានជិតមកដល់
កំពង់ធំ៖ ក្នុងកិច្ចប្រជុំប្រជុំបូកសរុបលទ្ធផលការងារប្រចាំខែមីនា និងលើកទិសដៅអនុវត្តបន្តសម្រាប់ខែមេសា ឆ្នាំ២០២៥ នៅសាលប្រជុំស្នងការដ្ឋាននគរបាលខេត្តកំពង់ធំកាលពីព្រឹកថ្ងៃទី១៨ ខែមីនា ឆ្នាំ២០២៥ ឧត្តមសេនីយ៍ទោ ហេង សុផល ស្នងការនៃស្នងការដ្ឋាននគរបាលខេត្តកំពង់ធំ បានរំលឹកដល់មន្រ្តីនគរបាលគ្រប់ថ្នាក់នៃរដ្ឋបាលខេត្តកំពង់ធំ ទាំងអស់ត្រូវបន្តយកចិត្តទុកដាក់អនុវត្តភារកិច្ច និងតួនាទីរបស់ខ្លួនប្រកបដោយស្មារតីទទួលខុសត្រូវខ្ពស់ ។ពិសេសក្នុងឱកាសបុណ្យចូលឆ្នាំថ្មីប្រពៃណីជាតិ នៅពេលខាងមុខឆាប់ៗនេះ ។
ក្នុងឱកាសនេះដែរឧត្តមសេនីយ៍ទោ ហេង សុផល ក៏បានកោតសរសើរ និងវាយតម្លៃខ្ពស់លើស្នាដៃនិងស្មារតីទទួលខុសត្រូវរបស់កងកម្លាំងចំណុះស្នងការដ្ឋានទាំងអស់ ដែលខិតខំបំពេញភារកិច្ចអស់ពីកម្លាំងកាយចិត្ត ខិតខំប្រឹងប្រែងអនុវត្តតួនាទី/ភារកិច្ច ប្រកបដោយស្មារតីទទួលខុសត្រូវ ធ្វើឱ្យបទល្មើសគ្រប់ប្រភេទ មានការថយចុះជាបន្តបន្ទាប់គួរជាទីមោទនៈ និងមានប្រសិទ្ធភាពបំផុត៕
ដោយ៖ប៊ុន រដ្ឋា
