ភ្នំពេញ៖ក្រុមការងារចម្រុះដឹកនាំដោយឯកឧត្តម យស់ ឆោមណារ៉ាឌី រដ្ឋលេខាធិការក្រសួងរៀបចំដែនដី នគរូបនីយកម្ម និង សំណង់ គណៈ​បញ្ជាការឯកភាព រដ្ឋបាលខណ្ឌ៧មករា ដឹកនាំដោយ លោក ឌី រ័ត្នខេមរុណ អភិបាលរង ខណ្ឌ៧មករា នៅថ្ងៃទី២០ ខែមីនា ឆ្នាំ២០២៥ បានចុះលើកស្លាកប៉ាណូស្តីពីការចាត់វិធានការ​បញ្ជៀស​គ្រោះថ្នាក់ បិទច្រកជណ្តើរ​នៅ​អគារចាស់ទ្រុឌទ្រោម​ខ្លាំង អតីត​អគារអង្គរមានជ័យ ស្ថិតនៅតាមបណ្តោយផ្លូវលេខ៩៣ (មហាវិថី​ព្រះមុនីវង្ស) កែងនិង​ផ្លូវលេខ១២៨ (មហាវិថីកម្ពុជា​ក្រោម) ភូមិ១ សង្កាត់មនោរម្យ ខណ្ឌ៧មករា ។

តាមរយៈសេចក្ដីប្រកាសព័ត៌មានស្តីពីការចាត់វិធានការបញ្ជៀសគ្រោះ ថ្នាក់ចំពោះសំណង់អគារអតីតសណ្ឋាគារ​អង្គរមាន​ជ័យ បានប្រាប់​សាធារណជនថា ការវាយតម្លៃគុណភាព និងសុវត្ថិភាពសំណង់អគារ​នេះត្រូវបានចាត់ថ្នាក់ជា សំណង់​ដែលមានសភាពគ្រោះថ្នាក់ និង​អាចកើតឡើងគ្រោះថ្នាក់ភ្លាមៗដោយយថាហេតុណាមួយ ។ ដើម្បី​បង្ការគ្រោះថ្នាក់ដល់​សំណង់ជិតខាង ដល់អាយុជីវិត អ្នកជិតខាង និង សាធារណជន ក្រសួងរៀបចំដែនដីនគរូបនីយកម្ម និងសំណង់រដ្ឋបាល​រាជធានីភ្នំពេញអំពាវនាវឱ្យប្រជាពលរដ្ឋដែលមិនទាន់ចាកចេញពីសំណង់អគារនេះ ដែលមានសភាពគ្រោះថ្នាក់ រកទី​កន្លែងស្នាក់នៅថ្មី​ដែល​មានសុវត្ថិភាពជាបន្ទាន់ ។

តាមរយៈសេចក្តីប្រកាសដដែលបានទុកពេល ៣០ថ្ងៃ គិតចាប់ពី​ថ្ងៃប្រកាសព័ត៌មាន សម្រាប់ប្រជាពលរដ្ឋដែលពុំទាន់ចាកចេញ សូម​ចាកចេញ។បន្តមកក្រសួងរៀបចំដែនដី នគរូបនីយកម្ម និង សំណង់ រួម រដ្ឋបាលរាជធានីភ្នំពេញ និង មិន​អនុញ្ញាតឱ្យប្រជាពលរដ្ឋ​បន្ត​ស្នាក់នៅក្នុងសំណង់អគារដែលមានសភាពគ្រោះថ្នាក់នេះ ។នឹងធ្វើការហ៊ុព័ទ្ធ ហាមចូល និង ហាមការប្រើប្រាស់សំណង់អគារ​ចាស់ទ្រុឌទ្រោមនេះ ។នឹងរុះរើសំណង់ទាំងមូលឬផ្នែកណាមួយដែល​អាច​បង្កគ្រោះថ្នាក់៕
ដោយ៖ហេង សម្បត្តិ
រូបភាព៖ថេត សម្បត្តិ