វ៉ាស៊ីនតោន ៖ ប្រធានាធិបតី អាមេរិក លោក Donald Trump ច្រានចោល ការ អះអាង ថា រុស្ស៊ី បាន បដិសេធ សំណើ របស់ លោក សម្រាប់ បទ ឈប់ បាញ់នៅ អ៊ុយក្រែន ហើយលោក បាន បញ្ជាក់ ជា ថ្មី ថា លោកមានសុទិដ្ឋិនិយមក្នុងការបញ្ចប់សង្គ្រាមនេះ។

លោក Trump បានប្រាប់យ៉ាងខ្លីទៅកាន់អ្នកកាសែតនៅខាងក្រៅសេតវិមានថា លោកមានការសន្ទនាដ៏ល្អក្នុងពេលពីរបីថ្ងៃនេះ អំពីសង្គ្រាមអ៊ុយក្រែន ប៉ុន្តែលោកមិនបានបញ្ជាក់លម្អិតទេ។

បន្ទាប់ពីការនិយាយទូរស័ព្ទរវាងលោក Trump និង លោក Putin កាលពីថ្ងៃអង្គារ មេដឹកនាំរុស្ស៊ីរូបនេះ បានបញ្ជាឱ្យផ្អាកការវាយប្រហារប្រឆាំងនឹងហេដ្ឋារចនាសម្ព័ន្ធថាមពលអ៊ុយក្រែនរយៈពេល ៣០ថ្ងៃ។

តែទោះបីជាយ៉ាងណា ទាំងរុស្ស៊ី និងអ៊ុយក្រែន បានចោទប្រកាន់គ្នាទៅវិញទៅមក ពីការរំលោភបំពានលើបទឈប់បាញ់ដែលស្នើឡើងដោយលោកប្រធានាធិបតី ត្រាំ នេះ៕

ប្រភព ៖ RT ប្រែសម្រួល ៖ ឈឹម ទីណា