អង្គរវត្ត និងព្រឹត្តិការណ៍សមរាត្រី ជាទិសដៅទេសចរណ៍ដ៏ល្បីល្បាញ
(សៀមរាប)៖ យោងតាមរបាយការណ៍របស់មន្ទីរទេសចរណ៍ខេត្តសៀមរាប បានបង្ហាញថា
អំឡុងពេល ៣ថ្ងៃនៃព្រឹត្តិការណ៍សមរាត្រី (Equinox) ថ្ងៃរះចំកណ្ដាលកំពូលប្រាសាទអង្គរវត្ត មានភ្ញៀវទេសចរ ចំនួន ៨០,៤៦៣ នាក់បានមកទស្សនា ដែលបានបញ្ជាក់ពីភាពទាក់ទាញ និងអស្ចារ្យ នៃឧប្បតិភាពធម្មជាតិមួយនេះ មានលក្ខណៈពិសេស និងកើតមានតែ ២ដង ក្នុង ១ឆ្នាំ ។
កំណើននៃការចូលរួមរបស់ភ្ញៀវទេសចរ ក្នុងអំឡុង ព្រឹត្តិការណ៍ពីថ្ងៃទី ២១ ដល់ ២៣ ខែមីនា មានភ្ញៀវទេសចរជាច្រើន បានមកទស្សនា រួមមាន៖
ថ្ងៃទី១ (២១ មីនា)៖ ១៦,០០០ នាក់ (ទេសចរបរទេស ៣,៥០០ នាក់), ថ្ងៃទី២ (២២ មីនា)៖ ៣៤,០០០ នាក់ (ទេសចរបរទេស ៣,៥០០ នាក់) និងថ្ងៃទី៣ (២៣ មីនា)៖ ២៣,០០០ នាក់ (ទេសចរបរទេស ២,១៣០ នាក់) ។
ប្រទេសកម្ពុជា មានប្រាសាទអង្គវត្តដ៏សែនអស្ចារ្យ ដែលជាកេរ្ដិ៍តំណែលពីដូនតា និងជាគោលដៅទេសចរណ៍ដ៏ទាក់ទាញ បានធ្វើឲ្យភ្ញៀវទេសចរណ៍អន្តរជាតិ មកពីគ្រប់ទិសទីនៃពិភពលោក ជាក់ស្តែងព្រឹត្តិការណ៍សមរាត្រី៖ ឧប្បតិភាពធម្មជាតិដ៏កម្រ
ព្រឹត្តិការណ៍សមរាត្រី (Equinox) កើតមានតែ ២ ដងក្នុង ១ឆ្នាំ គឺ៖ សមរាត្រីរដូវប្រាំង៖ ថ្ងៃទី ២១ ខែមីនា និងសមរាត្រីរដូវវស្សា៖ ថ្ងៃទី ២២ ខែកញ្ញា ។
ព្រឹត្តិការណ៍នេះ ពាក់ព័ន្ធនឹងបុរាណវិទ្យា និងជាទេសចរណ៍អភិរក្ស ដែលអាចលើកកម្ពស់ ការធ្វើដំណើរទស្សនាក្នុងតំបន់អង្គរវត្ត ហើយផ្តល់បទពិសោធន៍ដ៏អស្ចារ្យដល់ភ្ញៀវទេសចរ ៕
ដោយ វណ្ណលុក
