អ្នកផលិតភាពយន្តឈ្នះពានរង្វាន់អូស្ការត្រូវវាយនៅ West Bank
បរទេស ៖ ជនជាតិប៉ាឡេស្ទីន នៅពីក្រោយភាពយន្តឯកសារ ដែលឈ្នះពានរង្វាន់អូស្ការ ត្រូវបានចាប់ខ្លួន ដោយកងទ័ពអ៊ីស្រាអែល បន្ទាប់ពីត្រូវបានគេវាយ នៅតំបន់ West Bank។
អ្នកផលិតភាពយន្តឯកសារ “No Other Land” គឺលោក Ballal ត្រូវបានវាយប្រហារ ដោយអ្នកតាំងលំនៅ និងចាប់ខ្លួនដោ យកងទ័ពអ៊ីស្រាអែល កាលពីថ្ងៃចន្ទ នៅតំបន់ West Bank ដែលត្រូវបានកាន់កាប់ នេះបើយោងតាមសហនាយកផលិតជាមួយលោក Ballal មានឈ្មោះថា Yuval Abraham ។
នៅក្នុងការប្រកាសនៅលើបណ្តាញសង្គម X លោក Abraham បាននិយាយថា «ពួកគេបានវាយគាត់ ហើយគាត់មានរបួសត្រង់ក្បាល និងក្រពះរបស់គាត់ ហូរឈាម»។
អ៊ីស្រាអែលបានកាន់កាប់តំបន់ West Bank តាំងពីឆ្នាំ ១៩៦៧។ ភាពយន្ត “No Other Land” ដែលត្រូវបានដឹកនាំ ដោយសកម្មជនអ៊ីស្រាអែល-ប៉ាឡេស្ទីន បានឈ្នះភាពយន្តឯកសារល្អបំផុត នៅក្នុងពានរង្វាន់ Academy Awards ឆ្នាំនេះ។ ភាពយន្តឯកសារនេះ ត្រូវបានផលិតឡើង បន្ទាប់ពីមានហេតុការណ៍ ជនជាតិប៉ាឡេស្ទីន វ័យក្មេងម្នាក់ កំពុងតស៊ូ ជាមួយនឹងការផ្លាស់ទីលំនៅ ដោយបង្ខំ៕
ប្រភពពី AFP ប្រែសម្រួល៖ សារ៉ាត