(ខេត្តបន្ទាយមានជ័យ)៖ ក្នុងពិធីតាំងពិព័រណ៍ផលិតផល ភូមិមួយផលិតផលមួយ ដែលរៀបចំឡើងកាលពីពេលថ្មីៗ​នេះនាបរិវេណវេទិកាខេត្តបន្ទាយមានជ័យ ប្រជាពល​រដ្ឋនៅ​មូលដ្ឋានក៏ដូចប្រជាសហគមន៍ បានចូលរួមគាំទ្រនូវចលនា​ភូមិមួយផលិតផលមួយ ដែលបានដាក់តាំងបង្ហាញនេះ ។

ឯកឧត្តម អ៊ុ រាត្រី អភិបាលខេត្តបន្ទាយមានជ័យ បាន​បញ្ជាក់​ថា ការដាក់តាំងពិព័រណ៍ ផលិតផលភូមិ​មួយផលិតផលមួយ ដើម្បីផ្សព្វផ្សាយនិងជំរុញឲ្យប្រជាពលរដ្ឋក៏ដូចកសិករ ខិត​ខំ​បង្ករបង្ករបង្កើនមុខដំណាំកសិកម្ម ឬផលិតកែច្នៃ បានជា​ផលិត​ផល​មួយជាស្នាដៃពិត ក៏ដូចផលិតផលមួយសម្រាប់​មូលដ្ឋានរបស់ខ្លួន។ ម៉្យាងទៀតផលិតផល ភូមិមួយផលិត​ផលមូយនេះ វាក៏បានជួយបង្កើនប្រាក់ចំណូលបន្ថែមដល់​គ្រួសារ ផងដែរ ។

លោកស្រី ពាក សិឡា អភិបាលរងស្រុកថ្មពួក ដែលបាន​ចូល​រួម​​​ក្នុង​ពិធីនេះ បានឲ្យដឹងថា នៅស្រុកថ្មពួកក៏មាន​ផលិត​ផល ភូមិមួយផលិតផលមួយផងដែរ ។

ទាក់ទិនការងារបណ្តុះបណ្តាល លោក រុន សុផាន់ណារ៉ា អនុប្រ​ធានមន្ទីរកសិកម្ម ក៏បានបញ្ជាក់ថា មន្ត្រីជំនាញយើង​ជាមួយដៃគូអភិវឌ្ឍ តែងបានចុះជួយបណ្ដុះបណ្ដាលនូវ​បច្ចេកទេស​ដំណាំកសិកម្ម និងការចិញ្ចឹម មាន់ ទា ជ្រូក ជាដើម ។ ទន្ទឹមគ្នានេះដែរក្រុមប្រឹក្សាខេត្ត ជាមួយគណៈ​កម្មាធិការជាតិជំរុញ ចលនា ភូមិមួយ ផលិតផលមួយ នៅតាមបណ្ដាក្រុងស្រុក ក្នុង ខេត្តបន្ទាយមានជ័យ ក៏បានជួយបង្កើនមុខរបរ ឬការងារ រកប្រាក់ចំណូលបន្ថែម ទៅដល់គ្រួសារ ប្រជាពលរដ្ឋ ផងដែរ ៕

ដោយ ៖ គៀន ច័ន្ទហ៊ីន