ភ្នំពេញ៖ AMS អប្សរាព័ត៌មានទទួលបានបណ្ណសរសើរ ពីអង្គភាពអ្នក​នាំពាក្យរាជរដ្ឋាភិបាលក្នុងការចូលរួមយ៉ាងសកម្ម​ប្រឆាំង​​ព័ត៌មានក្លែងក្លាយ និងផ្សព្វផ្សាយព័ត៌មានពិតនៅកម្ពុជា។

ឯកឧត្តម ប៉ែន បូណា រដ្ឋមន្ដ្រីប្រតិភូអមនាយករដ្ឋមន្ដ្រី និងជាប្រធានអង្គភាព​អ្នកនាំពាក្យរាជរដ្ឋាភិបាល​បាន​ផ្តល់នូវបណ្ណសរសើរនេះ​ដោយផ្ទាល់​កាល​ពីថ្ងៃទី២ ខែមេសា ឆ្នាំ២០២៥ ដល់តំណាងនៃAMS អប្សរា ។

ក្នុងឱកាសនេះ ឯកឧត្តមរដ្ឋមន្រ្តីប្រតិភូបានមានប្រសាសន៍ថា ការផ្តល់ជូន​នូវបណ្ណសរសើរនេះ គឺដោយសារតែស្ថានីយ​វិទ្យុ និងទូរទស្សន៍អប្សរាព័ត៌មាន ពោលគឺ AMS អប្សរាព័ត៌មាន បានចូលរួមយ៉ាងសកម្មក្នុងការប្រយុទ្ធប្រឆាំងនឹង​ព័ត៌មានក្លែងក្លាយ ហើយបានផ្សព្វផ្សាយព័ត៌មានពិតក៏ដូចជាបានផ្សព្វផ្សាយ​គោលនយោបាយនិងសមិទ្ធផលជាក់ស្តែងនានារបស់រាជរដ្ឋាភិបាល ព្រមទាំង​សកម្មភាពប្រតិកម្ម និងបុរេសកម្មនានារបស់អង្គភាពអ្នកនាំពាក្យរាជរដ្ឋាភិបាល​កម្ពុជា៕

ដោយ៖លីដា