(ភ្នំពេញ)៖អាជ្ញាធរជាតិអប្សរាបានជូនដំណឹងអំពីការ បើកឱ្យទស្សនាឡើងវិញក្តារបែន និងហោត្រ័យនៅរួតទីពីរ នៃប្រាសាទអង្គរវត្ត ក្រោយពីបានជួសជុល រួចរាល់ជាស្ថាពរ ដូចមានប្លង់បង្ហាញជូនភ្ជាប់មកជាមួយ ចាប់ពីថ្ងៃចេញសេចក្តីជូនដំណឹងនេះតទៅ។

ជាមួយការចេញសេចក្តីជូនដំណឹងនេះអាជ្ញាធរជាតិអប្សរាបានប្រាប់ដល់ ក្រសួង ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ សមាគមដឹកជញ្ជូនភ្ញៀវទេសចរ ក្រុមហ៊ុន ទេសចរណ៍ ភ្ញៀវទេសចរណ៍ជាតិ-អន្តរជាតិ និងសាធារណៈជនឱ្យបានជ្រាប ដើម្បីបានចូលទស្សនាពិសេសក្នុងពិធីបុណ្យចូលឆ្នាំប្រពៃណីខ្មែរខាងមុខនេះ៕

ដោយ ៖ ម៉ាដេប៉ូ