(ភ្នំពេញ)៖ Humans of Phnom Penh (HoPP), ក្នុងកិច្ចសហប្រតិបត្តិការ ជាមួយសមាគម សភាពាណិជ្ជកម្មឥណ្ឌានៅកម្ពុជា (IBCC), គឺមានមោទនភាពចំពោះការប្រកាសបើកដំណើរ ការ “Color Outside the Lines” ការប្រកួតគំនូរ និងការតាំងពិព័រណ៍គំនូរ រយៈពេលពីរថ្ងៃ ដែលគាំទ្រ វប្បធម៌ខ្មែរ តាមរយៈសិល្បៈគំនូរ ដែលនឹងប្រព្រឹត្តទៅនៅថ្ងៃទី ០៩-១០ ខែឧសភា ឆ្នាំ ២០២៥ នៅសារមន្ទីព្រះស្រីឦសានវរ្ម័ន ហៅកាត់ថា សារមន្ទីសសរ-SOSORO រាជធានីភ្នំពេញ ។

គំនិតផ្តួចផ្តើមនេះ ផ្តល់ឱកាសសម្រាប់សិល្បករខ្មែរ ដើម្បីបង្ហាញពីទេពកោសល្យរបស់ពួកគាត់ តាមរយៈគំនូរ និងរឿងរ៉ាវនៅពីក្រោយគំនូររបស់ពួកគេ ដើម្បីឱ្យមានការទទួលស្គាល់ប្រកបដោយអត្ថន័យនៅក្នុងក្រុមអ្នកច្នៃ ប្រឌិតនៅកម្ពុជា ។ ព្រឹត្តិការណ៍នេះមានគោលបំណងលើកកម្ពស់វិស័យសិល្បៈគំនូរ ដែលរំលេចនូវគុណសម្បត្តិ នៃបេតិកភណ្ឌវប្បធម៌ជាតិខ្មែរ ។

វិចិត្រករខ្មែរទូទាំងប្រទេសកម្ពុជា និងត្រូវបានអញ្ជើញឱ្យដាក់រូបគំនូររបស់ពួកគេដែលឆ្លុះបញ្ចាំងពី ប្រធានបទ “មរតកខ្មែរតាមរយៈសិល្បៈ” ដែលតំណាងឱ្យប្រទេសកម្ពុជា ទំនៀមទម្លាប់ មនុស្ស ទេសភាព ស្ថាបត្យកម្ម ឬ ការបកស្រាយផ្ទាល់ខ្លួននៃអត្តសញ្ញាណខ្មែរ។
អ្នកដែលចូលរួមប្រកួតត្រូវយករូបភាពគំនូរដែលមានគុណភាពខ្ពស់ ដោយដាក់បញ្ចូលនៅក្នុងវេបសាយរបស់ Humans of Phnom Penh តាមរយៈដំណលីង https://humansofphnompenh.com/artist/ កាលបរិច្ឆេទឈប់ទទួលពាក្យ៖ ថ្ងៃទី០២ ខែឧសភា ឆ្នាំ២០២៥ ។ ស្នាដៃសិល្បៈល្អជាងគេ ១៥នាក់ នឹងត្រូវបាន ជ្រើសរើសសម្រាប់ការតាំងពិព័រណ៌ ហើយអ្នកឈ្នះ ៣នាក់ នឹងទទួលបានទទួលបានរង្វាន់ពីកម្មវិធី ។

សូមបញ្ជាក់ថា ៖ Humans of Phnom Penh (HoPP) គឺជាវេទិកាដែលផ្តោតទៅលើការចែករំលែកនូវរឿងរ៉ាវ ទេពកោសល្យ និងភាពសម្បូរបែបនៃវប្បធម៌ក្នុងប្រទេសកម្ពុជា។ HoPP ប្តេជ្ញាចិត្តគាំទ្រសិល្បករខ្មែរ និងលើកកម្ពស់វិស័យ សិល្បៈច្នៃប្រឌិត ដែលជាផ្នែកមួយដ៏សំខាន់នៃកំណើនសេដ្ឋកិច្ច និងសង្គមរបស់កម្ពុជា ៕

ដោយ / គ្រី សម្បត្តិ