កៀវ ៖ រដ្ឋបាលលោកប្រធានាធិបតី Donald Trump កំពុងរៀបចំផែនការលក់គ្រឿងសព្វាវុធយោធាជាលើកដំបូងទៅឲ្យអ៊ុយក្រែន បន្ទាប់ពីចុះកិច្ចព្រមព្រៀងរ៉ែកម្រ។

បើតាមរបាយការណ៍របស់ប្រព័ន្ធផ្សព្វផ្សាយ ក្រសួងការបរទេសអាមេរិកបានជូនដំណឹងដល់សភារួចហើយ ស្ដីពីសំណើនាំចេញសម្ភារៈយោធាទៅឱ្យអ៊ុយក្រែន ក្នុងទំហំទឹកប្រាក់ ៥០លានដុល្លារ ឬច្រើនជាងនេះ។

នេះជាការអនុញ្ញាតលើកដំបូងហើយ ចាប់តាំងពីលោកប្រធានាធិបតី Trump ចូលកាន់តំណែងក្នុងខែមករាមក ខណៈព័ត៌មានលម្អិតបន្ថែមពីវិសាលភាពនៃការលក់អាវុធនៅមិនទាន់មាននៅឡើយទេ។

ការលក់សព្វាវុធរបស់អាមេរិកចុងក្រោយនេះ កើតឡើងបន្ទាប់ពីកិច្ចព្រមព្រៀងរ៉ែកម្រដ៏ចម្រូងចម្រាសរវាងអាមេរិក និងអ៊ុយក្រែន ត្រូវបានចុះហត្ថលេខាក្នុងថ្ងៃពុធសប្ដាហ៍នេះ៕

ប្រភព ៖ the guardian ប្រែសម្រួល ៖ ឈឹម ទីណា