ស្ថានទូតជប៉ុនប្រចាំកម្ពុជា រៀបចំការប្រឡងចម្រៀងណូដូជីម៉ាន់ នៅខែកក្កដាខាងមុខ
ស្ថានទូតជប៉ុនប្រចាំព្រះរាជាណាចក្រកម្ពុជា រួមសហការ ជាមួយមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC),ការិយាល័យទំនាក់ទំនងភ្នំពេញនៃមូលនិធិជប៉ុន នឹងរៀបចំនូវការប្រឡងចម្រៀងណូដូជីម៉ាន់២០២៥ (ការប្រឡងចម្រៀងភាសា ជប៉ុន)នៅថ្ងៃអាទិត្យ ទី១៣ ខែកក្កដា ឆ្នាំ២០២៥ នៅCJCCក្នុងឱកាសពិធីបុណ្យផ្កាយ (តាណាបាតា) ២០២៥ ផងដែរ។
យោងតាមសេចក្តីប្រកាសព័ត៌មានរបស់ស្ថានទូតក្នុងសប្ដាហ៍នេះបានបញ្ជាក់ថា ការប្រឡងចម្រៀងណូដូជីម៉ាន់(ចម្រៀងភាសាជប៉ុន) ត្រូវបានប្រារព្ធឡើងក្នុងគោលបំណង លើកទឹកចិត្តអ្នកសិក្សាភាសាជប៉ុនបានអនុវត្តការបញ្ចេញសំឡេងជាភាសាជប៉ុន។ លើសពីនេះ ទៀត ការប្រឡងនេះក៏មានគោលបំណងពង្រឹងចំណងមិត្តភាព និងការយល់ដឹងអំពីគ្នាទៅវិញទៅ មករវាងប្រជាជនជប៉ុន និងកម្ពុជា តាមរយៈចម្រៀងភាសាជប៉ុនផងដែរ។
សេចក្តីប្រកាសបានបញ្ជាក់ថា ប្រជាជនកម្ពុជាគ្រប់រូបដែលចូលចិត្តច្រៀងចម្រៀងភាសាជប៉ុន ចូលរួម ប្រឡងចម្រៀងនេះ តាមរយៈ Microsoft Form ដែលមានភ្ជាប់ (https://forms office. com/r/4GMZCnDOW)។ ផុតកំណត់ការដាក់ពាក្យត្រឹមថ្ងៃទី១ ខែមិថុនា ឆ្នាំ២០២៥។
សម្រាប់ព័ត៌មានបន្ថែមសូមទាក់ទងមកកាន់ផ្នែកវប្បធម៌ និងព័ត៌មាននៃស្ថានទូតជប៉ុន តាមរយៈទូរស័ព្ទលេខ ០២៣ ២១៧ ១៦១ ១១២ ២ ) ឬផ្ញើអីម៉េលមកកាន់អាស័យដ្ឋាន៖
[email protected] 1
Embassy of Japan in the Kingdom of Cambodia Tel: 023 217 161, Email: [email protected] Official Website: www.kh.emb-japan.go.jp៕
ដោយ៖មុនី
