ប្រធានសមាគមអតីតយុទ្ធជនកម្ពុជាខេត្តព្រះវិហារ បាននាំយកថវិកាបេឡាមរណសង្ក្រោះ និងអំណោយសម្តេចធិបតី ផ្តល់ជូនគ្រួសារអតីតយុទ្ធជន
ព្រះវិហារ៖ថវិកាបេឡាមរណសង្គ្រោះចំនួន ១៦លានរៀល ,លិខិតចូលរួមរំលែកមរណទុក្ខ រួមទាំងអំណោយដ៏ថ្លៃថ្លារបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា អនុប្រធានទី១សមាគមអតីតយុទ្ធជនកម្ពុជា និងលោកជំទាវបណ្ឌិត ពេជ ចន្ទមុន្នី ត្រូវបានមេបញ្ជាការតំបន់ប្រតិបត្តិការសឹករងព្រះវិហារ លោកឧត្តមសេនីយ៍ទោ ច័ន្ទ សុភ័ក្ត្រា ប្រធានសមាគមអតីតយុទ្ធជនកម្ពុជាខេត្តនិងក្រុមការងារនាំយកទៅផ្តល់ជូនដល់គ្រួសារសពអតីតយុទ្ធជនចំនួន ៤គ្រួសារ រស់នៅស្រុករវៀង ខេត្តព្រះវិហារកាលពីដើមសប្ដាហ៍។
គ្រួសារសពអតីតយុទ្ធជនទាំង ៤គ្រួសារ ដែលទទួលបានថវិកាបេឡាមរណសង្គ្រោះ លិខិតចូលរួមរំលែកមរណទុក្ខ និងអំណោយដ៏ថ្លៃថ្លារបស់សម្ដេចធិបតី ហ៊ុន ម៉ាណែត និងលោកជំទាវបណ្ឌិត មាន៖ ១-ឈ្មោះ យ៉ុង យ៉ុន ភេទប្រុស អាយុ ៦៦ឆ្នាំ ទទួលមរណភាព នៅថ្ងៃទី១៣ ខែឧសភា ឆ្នាំ២០២៤ នៅភូមិ ស្វាយប៉ាត ឃុំរំដោះ ស្រុករវៀង ។ ២-ឈ្មោះ ព្រំ រុន ភេទស្រី អាយុ ៩០ឆ្នាំ ទទួលមរណភាព ថ្ងៃទី១៦ ខែឧសភា ឆ្នាំ២០២៤ នៅភូមិតាំងត្រក ឃុំរបៀប ស្រុករវៀង។ ៣-ឈ្មោះ កែវ អិន ភេទប្រុស អាយុ ៦៣ឆ្នាំ ទទួលមរណភាព ថ្ងៃទី២១ ខែឧសភា ឆ្នាំ២០២៤ នៅភូមិជីអោក ឃុំរមណីយ ស្រុករវៀង និង ៤-ឈ្មោះ គឹម រ៉ាលី ភេទប្រុស អាយុ ៦២ឆ្នាំ ទទួលមរណភាព ថ្ងៃទី២៦ ខែឧសភា ឆ្នាំ២០២៤ នៅភូមិ ត្រពាំងឫស្សី ឃុំរស្មី ស្រុករវៀង។ គ្រួសារសពអតីតយុទ្ធជនទាំង ៤គ្រួសារ ក្នុងមួយគ្រួសារៗទទួលបានថវិកា ៤លានរៀល ,អង្ករ មីជាតិ ត្រីខកំប៉ុង ទឹកត្រី និងទឹកស៊ីអ៊ីវ ។
គួររំលឹកថា លោកឧត្តមសេនីយ៍ទោ ច័ន្ទ សុភ័ក្ត្រា កាលពីថ្ងៃទី១៨ ខែឧសភា ឆ្នាំ២០២៥ កន្លងទៅថ្មីៗនេះ ក៏បាន នាំយកថវិកាបេឡាមរណសង្គ្រោះចំនួន ៤លានរៀល ប្រគល់ជូនគ្រួសារសព លោក ស៊ី គីរី អតីតស្នងការនគរបាលខេត្តព្រះវិហារ ,សមាជិកក្រុមប្រឹក្សាខេត្ត និងជាសមាជិកសមាគម អតីតយុទ្ធជនកម្ពុជា ខេត្តព្រះវិហារ អាយុ ៧១ឆ្នាំរស់នៅភូមិអណ្ដូងពោធិ៍ សង្កាត់កំពង់ប្រណាក ក្រុងព្រះវិហារ ផងដែរ៕
ដោយ៖ឡុង សំបូរ
