មន្ទីរពត៌មានខេត្តតាកែវ ដង្ហែយុទ្ធនាការប្រឆាំងព័ត៌មានក្លែងក្លាយ
តាកែវ៖ចូលរួមប្រយុទ្ធប្រឆាំងនឹងព័ត៌មានក្លែងក្លាយ មន្ទីរពត៌មានខេត្តតាកែវកាលពីព្រឹកថ្ងៃអង្គារ៍ទី៣ ខែមិថុនា ឆ្នាំ២០២៥បានរៀបចំដង្ហែក្បួនយុទ្ធនាការប្រឆាំងព័ត៌មានក្លែងក្លាយក្រោមពាក្យស្លោក « និយាយថាទេចំពោះព័ត៌មានក្លែងក្លាយ» ។ពិធីជួបជុំបានរៀបចំនៅវិទ្យាល័យឈើទាល នៅសង្កាត់រកាក្រៅ រួចទើបមានការដង្ហែនៅតាមដងផ្លូវសំខាន់ៗនានាក្នុងក្រុងដូនកែវ ។
លោក ពៅ សាខន អនុប្រធានមន្ទីរព័ត៌មានខេត្តតាកែវបានឱ្យដឹងថា គោលបំណងនៃការបើកយុទ្ធនាការប្រយុទ្ធប្រឆាំងព័ត៌មានក្លែងក្លាយនៅពេលនេះ គឺដើម្បីក្រើនរំលឹកដល់ប្រជាពលរដ្ឋទូទៅ សិស្សានុសិស្សឱ្យមានការយល់ដឹងពីទម្រង់នៃព័ត៌មានក្លែងក្លាយ និងចេះផ្ទៀងផ្ទាត់ នូវអ្វីពត៌មានក្លែងក្លាយ,ព័ត៌មានមិនពិត, ព័ត៌មានញុះញង់ រើសអើង ឱ្យប្រើអំពើហិង្សាជាដើម និងអ្វីជាព័ត៌មានពិត ដែលផ្សព្វផ្សាយលើបណ្ដាញសង្គមនានា និងប្រព័ន្ធឌីជីថល។
លោក ពៅ សាខន បានបញ្ជាក់ថា ព័ត៌មានក្លែងក្លាយបានផ្ដល់ផលប៉ះពាល់ជាច្រើនមកលើខ្លួនឯង ក្រុមគ្រួសារ សន្តិសុខសណ្ដាប់ធ្នាប់សង្គមជាដើម។លោកបន្ថែមមុននឹងជឿ ,មុនចែករំលែកបន្តលើបណ្ដាញសង្គម ត្រូវតែធ្វើផ្ទៀងផ្ទាត់ពីប្រភព
នៃព័ត៌មាន។ព័ត៌មានពិត គឺជាព័ត៌មានដែលមានប្រភពច្បាស់លាស់ពីស្ថាប័នព័ត៌មានរដ្ឋ ឯកជនដែលមានវិជ្ជាជីវៈ៕
ដោយ៖សាំង សារ៉ាវី
