សម្តេចតេជោមានប្រសាសន៍ថា ភាគីថៃជាអ្នករំលោភលើកិច្ចព្រមព្រៀងប្រទេសពីរ ដែលចាប់ផ្តើមបិទច្រកព្រំដែនដោយឯកត្តោភាគី ហើយដើម្បីកុំឱ្យបាក់មុខបែរជាមកសុំកម្ពុជាចរចាររឿងបើកច្រកព្រំដែន។ ហេតុនេះកម្ពុជាមិនអាចទទួលយកបានទេ។

សម្តេចមានប្រសាសន៍ផងដែរថា កុំបន្ទោសកម្ពុជាក្នុងការបិទច្រកដូង ដែលហាមឃាត់ការដឹកផ្លែឈើ និងបន្លែ ដែលថៃដឹកឆ្លងកាត់កម្ពុជាទៅប្រទេសវៀតណាមរាប់រយឡានក្នុងមួយថ្ងៃៗ។ បើកុំតែសម្តេច និងសម្តេចនាយករដ្ឋមន្ត្រី សន្ទនាជាមួយនាយករដ្ឋមន្ត្រីថៃ ប្រហែលជាកម្ពុជាអាចនឹងបិទគ្រប់ច្រកទាំងអស់។ ពេលនេះកម្ពុជាទុកពេលឱ្យ ២៤ម៉ោងឱ្យថៃ រឿងបើកច្រកទ្វាព្រំដែន។