ភ្នំពេញ៖ ជនសង្ស័យម្នាក់ធ្វើសកម្មភាពកាច់សោ-កម៉ូតូប្រជាពលរដ្ឋបានសម្រេចហើយ ជិះគេចមិនរួច ម្ចាស់ក្រឡេកឃើញស្រែកឆោឡោ ចំកម្លាំងល្បាតទៅដល់ល្មម តាមក្របួចចាប់បានភ្លាមៗ កាលពីម៉ោង៤និង៣០នាទីរសៀល ថ្ងៃទី២៤ ខែមេសា ឆ្នាំ២០១៩ ស្ថិតនៅក្នុងបុរីពីភពថ្មីកំបូល ភូមិគល់ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។ ជនសង្ស័យឈ្មោះ សៀន រុន ហៅភក្តី ភេទប្រុស អាយុ៣៣ឆ្នាំ មុខរបរមិនពិតប្រាកដ ទើបចេញពីពន្ធនាគារ មានទីលំនៅភូមិមនោរម្យ ឃុំបែកចាន ស្រុកអង្គស្នួល ខេត្តកណ្តាល។

តាមប្រភពព័ត៌មានបានឲ្យដឹងថា នៅមុនពេលកើតហេតុ ជនសង្ស័យបានធ្វើសកម្មភាពកាច់សោ-ក ម៉ូតូមួយគ្រឿងម៉ាកហុងដាឌ្រីម ឆ្នាំ២០០៥ ដែលម្ចាស់បានចតទុកនៅកន្លែងកើតហេតុបានសម្រេច ហើយបានជិះប្រហែល៥០ម៉ែត្រ ត្រូវម្ចាស់និងប្រជាពលរដ្ឋឃើញក៏ស្រែកផ្អើលឆោឡោដេញចាប់ធ្វើឲ្យជនសង្ស័ភ័យផ្តួលម៉ូតូចោលរួចរត់គេចតែរត់មិនរួចត្រូវសន្តិសុខ រួមទាំងប្រជាពលរដ្ឋចាប់ជាត់បានតែម្តង រួចប្រគល់ឲ្យសមត្ថកិច្ចប៉ុស្ត៍កន្ទោកចាត់ការតាមផ្លូវច្បាប់។ ក្រោយកើតហេតុ ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនបន្តចាត់ការតាមនិតិវិធី៕ម.ន