ភ្នំពេញ ៖ រថយន្តស៊េរីទំនេីបម៉ាកម៉ាស្តាបេីកបត់ឆ្លងផ្លូវម៉ូតូបេីកត្រង់ជ្រុលទៅបុកក្បាលរថយន្តពេញទំហឹង បណ្តាលឲ្យរងរបួសធ្ងន់កាលពីវេលាម៉ោង១ និង៥០នាទី រសៀល ថ្ងៃទី២៣ ខែមេសា  ឆ្នាំ២០១៩ តាមបណ្តោយផ្លូវ៥៩៨ចំណុចខាងត្បូងស្នងការដ្ឋាននគរបាលរាជធានីភ្នំពេញប្រមាណ៤០ម៉ែត្រ ក្នុងសង្កាត់ច្រាំងចំរេះទី១  ខណ្ឌឬស្សីកែវ រាជធានី ភ្នំពេញ ។

រថយន្តម៉ាស្តា ខាងលេីពណ៌ខ្មៅពាក់ស្លាកលេខភ្នំពេញ2AB-0669 បេីកដោយបុរសម្នាក់ ។
ម៉ូតូដែលបេីកបុករថយន្តពេញទំហឹងម៉ាកឌ្រីមសេ១២៥ស៊េរីឆ្នាំ២០១៨ ពណ៌ខ្មៅពាក់ស្លាកលេខកំពង់ឆ្នាំង1G-8971បេីកដោយបុរសម្នាក់ ។

តាមប្រភពព័ត៌មាននៅកន្លែងកេីតហេតុឲ្យដឹងថា នៅមុនពេលកេីតហេតុរថយន្តខាងលេីបានបេីកតាមបណ្តោយផ្លូវ៥៩៨ ទិសដៅពីត្បូងទៅជេីង លុះមកដល់ចំណុចកេីតហេតុបានបត់មកឆ្វេងដៃដេីម្បីឆ្លងផ្លូវក៏ត្រូវម៉ូតូបេីកតាមបណ្តោយផ្លូវ៥៩៨ទិសដៅពីជេីងទៅត្បូង ហើយជ្រុលបុកក្បាលរថយន្តពីខាងស្តាំពេញទំហឹងបណ្តាលឲ្យរបួសដៃឆ្វេង និងជេីងស្តាំធ្ងន់ធ្ងរ ឯម៉ូតូខូចខាតខាងមុខធ្ងន់ និងរថយន្តក្រពឹតខាងមុខផ្នែកខាងស្តាំផងដែរ ។

ក្រោយកេីតហេតុ ជនរងគ្រោះត្រូវបានបញ្ជូនទៅសង្គ្រោះនៅមន្ទីពេទ្យកាល់ម៉ែត្រ រីឯម៉ូតូ និងរថយន្តត្រូវបានសមត្ថកិច្ចមូលដ្ឋានទាក់ទងទៅសមត្ថកិច្ចជំនាញមកវាស់វែងយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយទៅតាមច្បាប់នៅពេលក្រោយ ៕ធ.ដ