ភ្នំពេញ៖ កម្លាំងនគរបាលប៉ុស្ដិ៍ទឹកថ្លានៃអធិការនគរបាលខណ្ឌសែនសុខ បានឃាត់ខ្លួនជនសង្ស័យម្នាក់ នៅវេលាម៉ោង ០៤ និង០០នាទី ថ្ងៃទី០៧ ខែមីនា ឆ្នាំ២០១៩ ក្នុងករណីលួចមានស្ថានទម្ងន់ទោស (ប្រព្រឹត្តអំពើហិង្សា គំរាមយកលុយ)នៅផ្លូវ២០០២ ភូមិបុរីកម្មករ សង្កាត់ទឹកថ្លា ខណ្ឌសែនសុខ រាជធានីភ្នំពេញ។ ជនសង្ស័យ​ឈ្មោះ ម៉ៅ យ៉ាវម៉ាហា ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅមិន​ពិតប្រាកដ (មានសារធាតុញៀន)។ ចំណែកជនរងគ្រោះម្នាក់ មានឈ្មោះ រស់ រ៉ង់ ភេទប្រុស អាយុ១៥ឆ្នាំ ស្នាក់នៅបន្ទប់ជួល ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ។សម្ភារបាត់បង់៖ លុយខ្មែរចំនួន ៤២០,០០០រៀល ទូរសព្ទដៃចំនួនមួយគ្រឿងម៉ាក អាយហ្វូន។

សមត្ថកិច្ចបានឲ្យដឹងថា មុនពេលកើតហេតុថ្ងៃទី០៤ វេលាប្រហែលម៉ោង០៤:០០នាទី ជនរងគ្រោះបានអង្គុយលេងតាមផ្លូវបេតុង នៅម្តុំសាលាអនុវត្តន៍(សង្កាត់ទឹកល្អក់៣) ស្រាប់តែមានជនសង្ស័យឈ្មោះ ម៉ៅ យ៉ាវម៉ាហា, មុច, តាំង ជាអ្នកស្គាល់គ្នាជាមួយជនរងគ្រោះ បន្ទាប់មកឈ្មោះ មុច បានអូសដៃជនរងគ្រោះឡើងលើម៉ូតូកង់បីផាសស្អេប រួចជនសង្ស័យទាំង៣នាក់ បានដឹកជនរងគ្រោះ​មកដល់ចំណុចខាង​លើចាប់គ្រាកជនរងគ្រោះធ្វើ សកម្មភាពលូកហោប៉ៅខោយកលុយរបស់ជនរងគ្រោះ រួចឈ្មោះ តាំង បានបើកផាសស្អេបនាំជនរងគ្រោះមកដល់ផ្លូវបេតុង ភូមិត្រពាំងឈូក សង្កាត់ទឹកថ្លា ខណ្ឌសែនសុខ បានលូកក្នុងហោរប៉ៅខោជនរងគ្រោះ បានឃើញេ ក្រាមសថ្លារួចឈ្មោះ ប៊ុក បានមកដល់ហើយឈ្មោះ មុច បានឲ្យលុយនឹងថ្នាំញៀនទៅឈ្មោះ ប៊ុក រួចនាំគ្នាជក់ថ្នាំញៀន។ រហូតដល់ថ្ងៃទី០៧ ខែ០៣ ឆ្នាំ២០១៩ វេលាម៉ោង០៤និង0០នាទី ជនរងគ្រោះបានជួបជនសង្ស័យឈ្មោះ ម៉ៅ យ៉ាវម៉ាហា កំពុងឈរនៅតាមផ្លូវមុខពហុព្យាបាលអរុណរះ ភូមិបូរីកម្មករ​ សង្កាត់ទឹកថ្លា ខណ្ឌសែនសុខ រួចបាននាំខ្លួនជនសង្ស័យយកមកប៉ុស្តិ៍នគរបាលទឹកថ្លា និងបានដាក់ពាក្យបណ្តឹង ជនសង្ស័យតែម្តង។ បច្ចុប្បន្ននេះ ជនសង្ស័យ​កំពុង​ឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕