ឯកឧត្តម យិន ងូនកូលេនីន អនុរដ្ឋលេខាធិការក្រសួងធនធានទឹក និងជាប្រធានក្រុមការងារចុះជួយឃុំអណ្តូងពោធិ តំណាង ឯកឧត្តម ថោង ខុន ប្រធានក្រុមការងារគណបក្សប្រជាជនកម្ពុជាចុះជួយស្រុកបារាយណ៍ ខេត្តកំពង់ធំ បានបន្តអំពាវនាវដល់ ប្រជាពលរដ្ឋឲ្យបោះឆ្នោតជូន គណបក្សប្រជាជនកម្ពុជា ។ ទន្ទឹមនោះក៏បានណែនាំផងដែរ ដល់ក្រុមការងារគណបក្ស រៀបចំមធ្យោបាយ ឲ្យបានរួចជាស្រេច ដើម្បីត្រៀម ក្នុងការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៦ នាពេលខាងមុខ ការបញ្ជាក់នេះធ្វើក្នុងពិធីសំណេះសំណាលជាមួយក្រុមបក្ស និងសាខា បក្សនៅឃុំអណ្តូងពោធិ៍ ស្រុកបារាយណ៍ ខេត្តកំពង់ធំ ថ្ងៃទី៦ ខែកក្កដា ឆ្នាំ២០១៨នេះ ។