សម្តេចយាយ ត្បាញសរសៃក្រមា មុនគេបង្អស់ នៃក្រមាប្រវែងជាង១០០០ម៉ែត្រ បន្ទាប់ពីចប់សព្វគ្រប់ គណៈកម្មការ World Guiness Re cord បានកត់ត្រាក្រមាវែងជាងគេ ដែលមានប្រវែងជាង១០០០ម៉ែត្រទៅក្នុងកំណត់ ត្រាឯកទគ្គកម្មពិភពលោក
ភ្នំពេញ៖ សម្តេចយាយ ត្បាញសរសៃក្រមា មុនគេបង្អស់ នៃក្រមាប្រវែងជាង១០០០ម៉ែត្រ បន្ទាប់ពីចប់សព្វគ្រប់ គណៈកម្មការ World Guiness Re cord បានកត់ត្រាក្រមាវែងជាងគេ ដែលមានប្រវែងជាង១០០០ម៉ែត្រទៅក្នុងកំណត់ ត្រាឯកទគ្គកម្មពិភពលោក នៅព្រឹកថ្ងៃទី០១ ខែកក្កដា ឆ្នាំ២០១៨ នៅមជ្ឈមណ្ឌលសន្និបាត និង ពិព័រកោះពេជ្រ ។ កម្មវិធីពន្លាក្រមាដ៏វែងអស្ចារ្យលើពិភពលោក បានរួមគ្នាត្បាញយូរមកហើយ ។
ដើម្បីឱ្យប្រាកដថាត្រឹមត្រូវតាមលក្ខខណ្ឌតម្រូវនៃការបំបែកកំណត់ត្រាឯតទគ្គកម្មពិភពលោកគឺជាលទ្ធផល គណៈកម្មការ World Guiness Record បាន សម្រេចដាក់ក្រមាវែងជាងគេប្រវែងជាង១០០០ម៉ែត្រ របស់ព្រះរាជាណាចក្រកម្ពុជា ចូលក្នុងឯកទគ្គកម្ម បំបែកកំណត់ត្រា ពិភពលោក។ ការសម្រេចនេះ បន្ទាប់ ពីគណៈកម្មការបានត្រួតពិនិត្យគុណភាព និងប្រវែងរបស់ក្រមារបស់កម្ពុជា មានគុណភាព និងសោភណ្ឌភាពល្អ និង មិនមានទេក្នុងពិភពលោក ។
សហភាពសហព័ន្ធយុវជនកម្ពុជា សហ ការជាមួយនឹងចលនា GoGoCambo dia បានរៀបចំកម្មវិធី «រួមគ្នាជឿថាខ្មែរអាចធ្វើបាន» ដើម្បីជាការចូលរួម សម្រេចបាននូវសមិទ្ធផលថ្មីមួយទៀតរបស់កម្ពុជា គឺការបំបែកកំណត់ត្រាឯតទគ្គកម្ម «ក្រមាវែង ជាងគេលើពិភពលោក»។
ការត្បាញក្រមាវែងប្រវែងជាង១០០០ ម៉ែត្រ វែងជាងគេលើពិភពលោក បានចាប់ផ្តើម ឡើងតាំងពីថ្ងៃទី១៤ខែកុម្ភៈ ដល់ថ្ងៃទី១ខែកក្កដាឆ្នាំ២០១៨ដែលមានប្រជាពលរដ្ឋកម្ពុជា និងបរទេសចូលរួមត្បាញមានចំនួនប្រមាណ៣សែននាក់ ។
ក្រមាប្រវែង១០០០ម៉ែត្របន្ទាប់ពីបានកត់ត្របញ្ចូលទៅក្នុងបញ្ជី គណៈកម្មការ World Guiness Record នៅថ្ងៃទី ១ខែកក្កដាឆ្នាំ២០១៨រួមមកនិងហែរយកទៅតាំងនៅវាលព្រះមេរុដើម្បីបន្តអនុញ្ញាតឲ្យប្រជាពលរដ្ឋចូលទស្សនា រយៈពេល១ ខែដោយមិនគិតថ្លៃ។ ក្រមាវែងជាង១០០០ម៉ែត្រមានទទឹង (មុខកាត់៨៨សង់ទីម៉ែត្រ)ត្រូវបានគណៈកម្មការ World Guiness Record ប្រគល់វិញ្ញាបនបណ្ណ។
ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានថ្លែងអំណរ គុណពីការចូលរួមត្បាញក្រមាវែងជាងគេលើពិភពលោក ដោយក្រមាមួយសរសែរមានអ្នកចូលរួមត្បាញប្រមាណ៣សែននាក់ ដែលពោរពេញដោយមនោសញ្ចេត នាខ្មែរ។ ក្រមាមានប្រវែង១១០០ម៉ែត្រ។ សម្តេចយាយត្បាញសរសៃក្រមា មុនទេបង្អស់នៃក្រមាប្រវែងជាង១១០០ម៉ែត្រ។ នេះជាមោទនភាពជាតិខ្មែរឆ្លុះបញ្ចាំងស្មារតីជឿជាក់ថាខ្មែរធ្វើបាន ដែលជាស្នាដៃដ៏ធំរបស់កូនខ្មែរ៕