សៀមរាប៖ ទៀនវស្សាចំនួន១គូ និងទ័យ្យទាន គ្រឿងឧបភោគបរិភោគមួយចំនួន ត្រូវបានឯកឧត្តមបណ្ឌិត ឃឹម ប៊ុនសុង អភិបាលខេត្តសៀមរាប និងឯ.ឧបណ្ឌិត នូ ផល្លា ប្រធានក្រុមប្រឹក្សាខេត្ត នាំយកទៅវេរប្រគេនព្រះវិហារព្រះអង្គចេក ព្រះអង្គចម ក្នុងក្រុងសៀមរាប ខេត្តសៀមរាប នាព្រឹកថ្ងៃទី ២៧ ខែ មិថុនា ឆ្នាំ២០១៨នេះ ។

ឯកឧត្តមបណ្ឌិត ឃឹម ប៊ុនសុង ក៏បានគូសបញ្ជាក់ថា ទៀនវស្សានិងទេយ្យវត្ថុយកមកប្រគេនព្រះសង្ឃនាពេលនេះ  ប្រគេនដល់ព្រះសង្ឃ ក្នុងរយះពេលគង់ចាំព្រះវស្សាក្នុងត្រីមាសនៅទីវត្តអារាម ដែលព្រះសង្ឃមិនអាចនិមន្តចេញទៅបិណ្ឌបាត្របាន ដោយរដូវវស្សាមានភ្លៀងធ្លាក់ជោគជាំ ហើយក៏ដើម្បីឧទ្ទិសកុសលដល់វិញ្ញាណក្ខ័ន្ធអ្នកដែលបានចែកឋានទៅកាន់លោកខាងមុខ ។  ឯកឧត្តមបណ្ឌិត ឃឹម ប៊ុនសុង  ក៏បានលើកឡើងផងដែរ សម្រាប់ប្រជាពលរដ្ឋ និង បងប្អូនពុទ្ធបរិស័ទ អំពីទីវត្តអារាម គឺ មិនត្រឹមតែបម្រើវិស័យសាសនា ជាទីសក្ការៈបូជារបស់បងប្អូនពុទ្ធបរិស័ទប៉ុណ្ណោះទេ គឺជាទីកន្លែងដែលប្រមូលផ្តុំនូវវប្បធម៌ និង ជាថ្នាលបណ្តុះបណ្តាលធនធានមនុស្ស ជាជង្រុកនៃគ្រឹះអក្សរសាស្ត្រជាតិ អរីយធម៌  វប្បធម៌ខ្មែរយើង ។

ឯកឧត្តមបណ្ឌិតក៏បានបញ្ជាក់ថា ការដង្ហែនូវទៀនព្រះវស្សាយកមកវេរប្រគេនព្រះសង្ឃ នៅព្រះវិហារព្រះអង្គចេកព្រះអង្គចម នាពេលនេះ  គឺជាការគោរពប្រពៃណីសាសនាព្រះពុទ្ធ ត្រូវចូលកាន់ព្រះវស្សា ក្នុងរយៈពេលអស់មួយត្រីមាស ដែលព្រះសង្ឃគង់ចាំព្រះវស្សានៅក្នុងទីវត្ត ទើបថ្ងៃនេះត្រូវបានគណៈអភិបាល និង ក្រុមប្រឹក្សាខេត្ត សប្បុរសជនក្នុងខេត្ត  បានដង្ហែរយកមកវេរប្រគេនដល់ព្រះសង្ឃ ដើមី្បព្រះសង្ឃយកទៅដុតបំភ្លឺ បូជាថ្វាយព្រះ និង សិក្សារៀនសូត្រនូវ គម្ពីធម៌វិន័យ ព្រះសម្មាសាម្ពុទ្ធ ព្រះបរមគ្រូនៃយើង ។

ឯ.ឧបណ្ឌិត ឃឹម ប៊ុនសុង ក៏បានបញ្ជាក់ប្រគេនជូនព្រះសង្ឃ និង ពុទ្ធបរិស័ទនថា ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន ទើបប្រទេសជាតិយើងមានការអភិវឌ្ឍន៍ រីកចម្រើននៅគ្រប់ទីកន្លែងទូទាំងប្រទេស ដូចជា ផ្លូវថ្នល់ ស្ពាន ប្រឡាយទឹក សាលារៀន មន្ទីរពេទ្យ វត្តអារាមមាននៅគ្រប់ស្រុក គ្រប់ឃុំទូទាំងប្រទេស ដែលផ្តល់នូវទំនុក ចិត្តពីប្រជាពលរដ្ឋ ។
សម្ភារៈបរិក្ខាដែលបានប្រគេននាឱកាសនោះ មានទៀនវស្សា ០១គូ  និង គ្រឿងឧបភោគបរិភោគមួយចំនួន ព្រះសង្ឃ៥អង្គ  ក្នុងមួយអង្គ១០មឺុនរៀល យាយជី តាជីកក ២០នាក់ ក្នុងម្នាក់ៗ ក្រណាត់ស១ដុំ និងថវិកា២មឺុនរៀល ៕ ដោយ​ ស៊ាន​ សុផាត