លោកជំទាវកិត្តិសង្គហបណ្ឌិត ម៉ែន សំអន សំណេះសំណាលជាមួយនារីជាថ្នាក់ដឹក នាំរាជធានីភ្នំពេញដើម្បីត្រៀម លក្ខណៈឈានទៅការបោះឆ្នោតជ្រើសរើសតំណាងរាស្រ្តនីតិកាលទី៦
ថ្ងៃអាទិត្យ ទី២៤ ខែមិថុនា ឆ្នាំ ២០១៨ លោកជំទាវកិត្តិសង្គហបណ្ឌិត ម៉ែន សំអន សមាជិកាគណៈអចិន្ត្រៃយ៍ គណៈ កម្មាធិការកណ្ដាលគណបក្សប្រជាជនកម្ពុជា សំណេះសំណាលជាមួយនារីជាថ្នាក់ដឹកនាំរាជធានីភ្នំពេញដើម្បីត្រៀម លក្ខណៈឈានទៅការបោះឆ្នោតជ្រើស រើសតំណាងរាស្រ្តនីតិកាលទី៦។ លោកជំទាវកិត្តិសង្គហបណ្ឌិតម៉ែន សំអន មានប្រសាសន៏លើកឡើងថា៖រយៈពេល៣៩ឆ្នាំ នៃសករាជថ្មីនេះ គណបក្សប្រជាជនកម្ពុជា បានដឹកនាំក្នុងការការពារជាតិ និងការស្ដារ កសាងប្រទេសជាតិឡើងវិញពីលេខសូន្យនៅក្នុងស្ថានភាពមានសន្តិភាពផង និងសង្គ្រាមផង ហើយថែមទាំងត្រូវគេហ៊ុមព័ទ្ធខាងនយោបាយ និងសេដ្ឋកិច្ចពីខាង ក្រៅយ៉ាងអមនុស្សធម៌ និងអយុត្តិធម៌ថែមទៀត។
លោកជំទាវកិត្តិសង្គហបណ្ឌិតម៉ែន សំអន មានប្រសាសន៏បញ្ជាក់ទៀតថា;នយោ បាយឈ្នះ-ឈ្នះរបស់សម្ដេចតេជោ ប្រធានគណបក្សប្រជាជនកម្ពុជា និងជានាយករដ្ឋមន្ត្រី បានធ្វើឱ្យអង្គការចាត់តាំង
របស់ខ្មែរក្រហមត្រូវរលំរលាយទាំងស្រុង ទាំងខាងនយោបាយ ទាំងយោធា និង បង្កើតបានសុខសន្តិភាព និងការអភិវឌ្ឍចាប់តាំងពីចុងឆ្នាំ១៩៩៨មក។ ទោះបីត្រូវឆ្លងកាត់ឧបសគ្គធំៗ និងការលំបាករាប់ម៉ឺនជំពូកក៏គណបក្សប្រជាជនកម្ពុជានូវរក្សាបាន និងការពារបាននូវបុព្វ ហេតុដ៏ត្រឹមត្រូវរបស់ខ្លួនជានិច្ច ដោយទប់ស្កាត់បាននូវរបប ប៉ុល ពត មិនឱ្យត្រឡប់ មកវិញជាលើកទី២ បានស្ដារ កសាងវិស័យ សេដ្ឋកិច្ច សង្គមកិច្ចឱ្យមានការប្រែប្រួល និងរីកចម្រើនជាបន្ដបន្ទាប់។ នេះគឺជាសច្ចធម៌ប្រវត្តិសាស្រ្តដែលមិនអាចបំភ្លៃបាន។
លោកជំទាវកិត្តិសង្គហបណ្ឌិត ម៉ែន សំអន បញ្ជាក់ទៀតថា- រាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី បានដឹកនាំប្រទេសឱ្យមានសន្ដិភាពឆ្ពោះទៅរកការអភិវឌ្ឍ ដើម្បីបម្រើប្រជាជន កសាង និងការពារប្រទេសឱ្យបាន ធានាកំណើនសេដ្ឋកិច្ច និងរក្សាបាននូវស្ថេរភាពម៉ាក្រូសេដ្ឋកិច្ចល្អប្រសើរ។ ជាពិសេស អ្វីដែលជាការពិតមិនអាចប្រកែកបាន គឺ”មរតកតេជោ” គឺជាសន្តិ ភាព ការបង្រួបបង្រួមជាតិ និងការកសាងសេដ្ឋកិច្ចចេញពីភាពខ្ទេចខ្ទាំនៃភ្លើង សង្គ្រាមដែលបានមកពីការធ្វើពលិកម្ម និងការប្រឹងប្រែងរបស់សម្ដេចតេជោ រួមជាមួយថ្នាក់ដឹកនាំគណបក្សប្រជាជនកម្ពុជាដទៃទៀត
និងរួមជាមួយប្រជាពលរដ្ឋផងដែរ។ លោកជំទាវកិត្តិសង្គហបណ្ឌិតបានបញ្ជាក់ទៀតថា- ជាកិត្ដិយសរបស់ព្រះរាជាណា ចក្រកម្ពុជា ត្រូវបានជាប់ឆ្នោតជាសមាជិកក្រុមប្រឹក្សាសេដ្ឋកិច្ច សង្គមកិច្ចរបស់អង្គ ការសហប្រជាជាតិសម្រាប់អាណត្តិ១ឆ្នាំ (២០១៩) ដោយសម្លេងគាំទ្រចំនួន ១៨៣ លើ១៨៨ក្នុងការ បោះឆ្នោតនៅថ្ងៃទី១៣ ខែមិថុនា ឆ្នាំ២០១៨ នៅសាលមហាសន្និបាត នៃទីស្នាក់ការអង្គការ សហប្រជាជាតិនៅទីក្រុងញ៉ូយក។ នេះជាជោគជ័យដ៏ធំធេងថ្មីមួយទៀតរបស់ព្រះរា ជា ណាចក្រកម្ពុជាក្នុងការលើកស្ទួយកិត្តិយស និងកិត្យានុ ភាពជាតិនៅលើឆាកអន្តរជាតិ។ បន្ទាប់ពីកម្ពុជាត្រូវបានជ្រើសតាំងកាលពីថ្ងៃទី៥ ខែមិថុនា ឆ្នាំ២០១៨ ធ្វើជាអនុប្រធាននៃសម័យអង្គប្រជុំលើកទី៧៣ របស់មហា សន្និបាតអង្គការសហប្រជាជាតិសម្រាប់អាណត្តិពីខែកញ្ញា ឆ្នាំ២០១៨ ដល់ខែកញ្ញា ឆ្នាំ២០១៩ រួមជាមួយប្រទេសចំនួន១៥ផ្សេងទៀត និងប្រទេសសមា ជិក អាចិន្ត្រៃយ៍ទាំង៥ នៃក្រុមប្រឹក្សាសន្តិសុខអង្គការសហប្រជាជាតិ។ ជាមួយគ្នានោះដែរលោកជំទាវកិត្តិសង្គហបណ្ឌិតបានណែនាំឲ្យមានការត្រៀម លក្ខណៈជានិច្ចក្នុងការទប់ស្កាត់ និងការវាយបកនូវការបំភ្លើស ការបំប៉ោងសភាព ការណ៍ និងការរំខានផ្សេងៗរបស់គណបក្សប្រឆាំងក្នុងការ រារាំងនូវដំណើរការនៃការបោះឆ្នោត៕
