ផ្ទុះកង់គោយន្តន្ត្រៃ រងរបួសធ្ងន់ធ្ងរម្នាក់នៅស្រុកកែវសីមា
អត្ថបទដោយ៖
Kien Sereyvuth
មណ្ឌលគិរីៈបុរសជាកសិករម្នាក់ បានរងរបួសបាក់ដៃម្ខាងនិងរាងកាយ ដោយសារតែសប់កង់គោយន្តកន្ត្រៃខុសបច្ចេកទេស។ ករណីខាងលើបានកើតឡើងនៅម៉ោងប្រមាណ៦និង៤៥នាទីព្រឹកថ្ងៃទី១២ខែមិថុនាឆ្នាំ២០១៨ចំណុចភូមិចក់ចារ ឃុំស្រែឈូក ស្រុកកែវសីមា ខេត្តមណ្ឌលគិរី។
អធិការនគរបាលស្រុកកែវសីមាលោកស៊ុន ប៊ុនធឿន បានអោយដឹងថាជនរងគ្រោះឈ្មោះពៅ ចាង អាយុ២៨ឆ្នាំជាកសិករ បានរងរបួសបាក់ដៃឆ្វេងនិងរាងកាយធ្ងន់ធ្ងរកំពុងសម្រាកព្យាបាលនៅមន្ទីរពេទ្យបង្អែកស្រុកស្នួលខេត្តក្រចេះ។
លោកអធិការបញ្ជាក់ថា ជនរងគ្រោះបានរងគ្រោះពេលកំពុងសប់កង់គោយន្តកន្ត្រៃ រួចផ្ទុះង់ខាងស្តាំដាច់ចេញពីតួតែម្តង៕
