លោក Ole Gunnar Solskjaer អ្នកចាត់ការក្លិប Manchester United បានត្រៀមបើកការចរចាថ្មី ដើម្បីរកម្ចាស់អាវលេខ៧ អោយបានមុនបើករដូវកាលថ្មី ជាមួយក្លឹប Borussia Dortmund គឺខ្សែបម្រើ Jadon Sancho ។ នេះបើតាម Goal។

កីឡាករជម្រើសជាតិអង់គ្លេសរូបនេះ នៅតែជាគោលដៅធំរបស់អ្នកចាត់ការ Ole Gunnar Solskjaer ហើយក្លិប Man Utd នៅតែបន្តចរចាដើម្បីទិញយកអតីតកីឡាករក្រុម Man City រូបនេះឲ្យបាន ខណៈក្លឹបបិសាចក្រហមត្រូវបានគេមើលឃើញថា អាវលេខ៧ ត្រៀុមទុកអោយ Sancho ។ ប៉ុន្តែខាងក្លឹប Dortmund ធ្លាប់បានបញ្ជាក់ថា មិនលក់ Sancho នោះទេ ។

សូមបញ្ជាក់ថា តម្លៃខ្លួនកីឡាករវ័យ២០ឆ្នាំ Jadon Sancho ប្រហែលជា ១០៨លានផោន បន្ទាប់ពីទិញបានកីឡាករសញ្ជាតិហូឡង់ Van De Beek ពីក្លឹប AJax ក្នុងតម្លៃខ្លួន ៤០លាន ផោន៕