ភ្នំពេញ៖ បុរសជនជាតិចិនម្នាក់ បានប៉ុនប៉ងលោតសម្លាប់ខ្លួនពីលើអគារ ដែលកំពុងសាងសង់មួយកន្លែង មានកម្ពស់រហូតដល់ទៅ២១ជាន់ ហេតុការណ៍នេះ កើតឡើងកាលពីវេលាម៉ោង៣ និង២០នាទីរសៀល ថ្ងៃទី២១ ខែតុលា ឆ្នាំ២០២០នេះ ស្ថិតនៅផ្លូវបេតុង ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ចំណែកឯជនជាតិចិនមួយក្រុមទៀតមានគ្នាប្រហែល៤០នាក់ កំពុងនាំគ្នាឈរស្រែកតវ៉ា បើមិនព្រមរកដំណោះស្រាយនោះទេ និងបិទផ្លូវលេខ៥០៨ ដោយសារតែមេការមិនព្រមបើកប្រាក់ខែអោយ។

ក្រោយពេលកើតហេតុ ភ្លាមៗនេះ កម្លាំងគណៈបញ្ជាការឯកភាពខណ្ឌចំការមន ដឹកនាំដោយលោក អភិបាលរង បានចុះទៅសម្របសម្រួលកុំអោយមានការបិទផ្លូវ បង្កការកកស្ទះចរាចរណ៍ និងបាត់បង់សណ្ដាប់ធ្នាប់សាធារណៈ៕