អាមេរិកចោទអ៊ីរ៉ង់និងរុស្ស៊ីថា លួចជ្រៀតជ្រែកការបោះឆ្នោតប្រធានាធិបតីរបស់ខ្លួន
នាយកវិទ្យាស្ថានស៊ើបការណ៍សម្ងាត់របស់អាមេរិក លោក John Ratcliffe បាននិយាយថា រុស្ស៊ីនិងអ៊ីរ៉ង់សុទ្ធតែព្យាយាមជ្រៀតជ្រែកក្នុងការបោះឆ្នោតជ្រើសរើសប្រធានាធិបតីអាមេរិក ឆ្នាំ២០២០នេះ។
លោក John Ratcliffe បានប្រកាសបែបនេះ ក្នុងសន្និសីទសារព័ត៌មាន កាលពីថ្ងៃទី២១ តុលា ម្សិលមិញ ដោយមានវត្តមានប្រធាន FBI លោក Chris Wray ចូលរួមដែរ។ ការប្រកាសនេះកើតឡើងមុនពេល២សប្តាហ៍ ដែលការបោះឆ្នោតត្រូវមានការបង្ហាញពីកម្រិតប្រជាប្រិយរបស់មន្ត្រីកំពូលៗរបស់អាមេរិក។
លោក John Ratcliffe ប្រកាសថា «ពួកយើងបានអះអាងថា ព័ត៌មានរបស់អ្នកបោះឆ្នោតខ្លះៗត្រូវបានគ្រប់គ្រងដោយអ៊ីរ៉ង់ និងរុស្ស៊ី។» ភាគច្រើននៃការចុះឈ្មោះបោះឆ្នោតគឺបង្ហាញជាសាធារណៈ ប៉ុន្តែលោកថា មន្ត្រីរដ្ឋាភិបាលបានឃើញអ៊ីរ៉ង់ផ្ញើសារអេឡិចត្រូនិកបញ្ឆោតទៅកាន់អ្នកបោះឆ្នោតដែលត្រូវគេសម្លុតគំរាម បង្កភាពវឹកវរសង្គម និងប៉ះពាល់ដល់ប្រធានាធិបតី ត្រាំ»
បណ្តាទីភ្នាក់ងារស៊ើបការណ៍អាមេរិក ធ្លាប់បានព្រមានថា អ៊ីរ៉ង់ប្រហែលជាជ្រៀតជ្រែកដើម្បីឲ្យប៉ះពាល់ដល់បេក្ខជនប្រធានាធិបតី ដូណាល់ ត្រាំ ខណៈដែលរុស្ស៊ីព្យាយាមជួយលោកត្រាំ សម្រាប់ការបោះឆ្នោតនេះ៕ ប្រភពពី Reuters/kv
