អំណោយព្រះមហាក្សត្រនិងសម្តេចម៉ែ បានចែកជួនប្រជាពលរដ្ឋ៥៩៤គ្រួសារដែលរងទឹកជំនន់ក្នុងខេត្តកំពង់ ធំ។ ព្រះរាជអំណោយរបស់ព្រះអង្គទាំងទ្វេ ត្រូវបានត្រូវបានក្រុមមន្ត្រីនៃក្រសួងព្រះបរមរាជវាំងនៅថ្ងៃទី២២ តុលានេះ យកទៅចែកជួនដល់ពលរដ្ឋរងគ្រោះ នៅក្នុងស្រុកស្ទោង ខេត្តកំពង់ធំ។ ព្រះរាជអំណោយរួមមាន ក្នុង គ្រួសារនី​មួយ​​ៗ ទទួលបាន អង្ករ៥០គីឡូ, មី១កេស,  មុង១,  ក្រមា១, សារុង១, ភួយ១, ត្រីខ១០កំប៉ុង កៅស៊ូតង់ ១, សាប៊ូ​ដុំ៥ដុំ, អាវយឺត១ និងថរិកា ៤០ម៉ឺនរៀល។ កម្ពុជាដែលមានពលរដ្ឋជាង៤១ម៉ឺននាក់បានរងនឹងជំនន់ទឹក ភ្លៀង បានទទួលជំនួយជាបន្តបន្ទាប់ពីក្រុមសប្បុរសជនក្នុងនិងក្រៅប្រទេស, កាកបាទក្រហម, រាជរដ្ឋាភិបាល និងព្រះរាជអំណោយរបស់ព្រះមហាក្សត្រនិងសម្តេចម៉ែ ជាទីគោរពសក្ការៈផងដែរ៕