មីយ៉ាន់ម៉ារឹបអូសថ្នាំញៀនហេរ៉ូអ៊ីន ជិត២២គីឡូក្រាម តម្លៃជាង១លានដុល្លារ
អាជ្ញាធរប្រទេសមីយ៉ាន់ម៉ាបានរឹបអូសថ្នាំញៀនហេរ៉ូអ៊ីន២១.៩៨គីឡូក្រាម ក្នុងតំបន់ Sagaing នេះបើតាមរបាយការណ៍ ចេញផ្សាយដោយសារគណៈកម្មការកណ្តាលទទួលបន្ទុកគ្រប់គ្រងគ្រឿងញៀន ហៅកាត់ថា CCDAC នាថ្ងៃសុក្រ ទី២៣ តុលានេះ។
ហេរ៉ូអ៊ីនតម្លៃប្រមាណ១.៦៩លានដុល្លារអាមេរិក ត្រូវបានរឹបអូសបានពីរថយន្តមួយគ្រឿង ក្នុងទីប្រជុំជន Kalewa កាលពីយប់ថ្ងៃព្រហស្បតិ៍។
ជនសង្ស័យម្នាក់ត្រូវបានចាប់ខ្លួន ខណៈការស៊ើបអង្កេតតាមចាប់ខ្លួនជនសង្ស័យ៥នាក់ទៀត នគរបាលមីយ៉ាន់ម៉ាកំពុងបន្តធ្វើប្រតិបត្តិការ៕ ប្រភពពីស៊ីនហួរ
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
