អាមេរិក៖ អ្នកបោះឆ្នោតមុនថ្ងៃផ្លូវការ កើនដល់ជាង៧០លាននាក់ហើយ
អត្ថបទដោយ៖
លន់ សារ៉ាត
ប្រជាពលរដ្ឋអាមេរិកច្រើនជាង៧០លាននាក់ហើយដែលបានបោះឆ្នោតជ្រើសរើសប្រធានាធិបតីថ្មីរបស់ខ្លួន ជាការបោះឆ្នោតមុនថ្ងៃបោះឆ្នោតផ្លូវការ ហើយចំនួនបោះឆ្នោតមុន ឆ្នាំ២០២០នេះ កើនលើសការបោះឆ្នោតឆ្នាំ២០១៦ ជាងពាក់កណ្តាល។
ការបោះឆ្នោតនៅអាមេរិក នៅសល់ពេលប្រមាណ១សប្តាហ៍ទៀតប៉ុណ្ណោះ គិតត្រឹមថ្ងៃទី២៨ តុលា ដោយក្នុងនោះ លទ្ធផលនឹងដឹងថា តើលោកដូណាល់ ត្រាំ នឹងជាប់ឆ្នោតបន្តកាន់អំណាច ឬ លោកចូ បាយឌិន មកពីគណបក្សប្រជាធិបតេយ្យជាអ្នកឈ្នះការបោះឆ្នោតនេះ។
ការបោះឆ្នោតមុនក្នុងចំនួនដ៏ច្រើនលើសលុប ក្នុងប្រវត្ថិសាស្ត្រអាមេរិកនេះត្រូវបានគេដឹងថា អ្នកបោះឆ្នោតចង់បន្ថយហានិភ័យចំពោះជំងឺកូវីដ១៩ ខណៈដែលរដូវកាលនេះគឺជាឳកាសវាយលុករបស់ជំងឺ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
