ក្រុមម្ចាស់ជើងឯកអឺរ៉ុប ១៣ សម័យកាល Real Madrid បន្តស្ថិតនៅបាតតារាង Grop B ក្រោយ​ស្មើគ្នា​២ទល់​នឹង២ ជាមួយ Borussia Monchengladbach នៅវគ្គសន្សំពិន្ទុ នៃពានរង្វាន់ Champions League កាលពីយប់មិញ ។ ចាប់ផ្តើមការប្រកួត កីឡាករ Marcus Thuram រកបាន១គ្រាប់អោយ Monchengladbach នៅនាទី៣៣ លទ្ធផលនេះបានរហូតដល់ចប់វគ្គទី១​ ។ ចូលដល់វគ្គទី២ Marcus Thuram បន្ថែម១គ្រាប់ទៀត ប៉ុន្តែ Karim Benzema បានទាត់បាល់បញ្ចូលទី ១គ្រាប់វិញ និង១​គ្រា​ប់​ទៀត រកបានដោយ Casemiro នៅនាទី៩០ ចប់ការប្រកួតពេញម៉ោង៩០ នាទី ក្រុមទាំងពីរបានស្មើគ្នា ២ទល់នឹង២ ។

សូមបញ្ជាក់ថា ក្រុម Real Madrid មាន១ពិន្ទុឆ្លងកាត់ពីរប្រកួត បន្ទាប់ពី រងបរាជ័យដ៏គួរឱ្យ​ភ្ញាក់ផ្អើល​ក្នុង​លទ្ធផល ៣-២ ក្រោមស្នាដៃក្រុមរបស់អ៊ុយក្រែន Shakhtar Donetsk ដែលកំពុងឈរ​នៅលើ​កំពូល​តារាង។