ភ្នំពេញ៖ កម្លាំងនគរបាលខណ្ឌឫស្សីកែវបានឃាត់ខ្លួនជនសង្ស័យ២នាក់ នៅកន្លែងផ្សេងគ្នាករណី ជួញដូរ  និងរក្សាទុកដោយខុសច្បាប់នូវសារធាតុញៀន នៅយប់រំលងអាធ្រាត្រ ឈានចូលថ្ងៃទី២៨ ខែតុលា ឆ្នាំ២០២០ ត្រង់ចំណុចផ្លូវលំ ក្រុម៧ ភូមិលូ សង្កាត់ស្វាយប៉ាក និងត្រង់ចំណុចក្រុមទី៤ ភូមិទួលសំពៅសង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។

យោងតាមរបាយការណ៍របស់លោក ហ៊ាង ថារ៉េត អធិការនគរបាលខណ្ឌឫស្សីបានឲ្យដឹងថា ជនសង្ស័យ ០២នាក់ ដែលឃាត់ខ្លួនរួមមាន ៖ ទី១ ឈ្មោះ សុខ ខុម ភេទប្រុស អាយុ២៨ឆ្នាំ ជនជាតិខ្មែរ មានទីលំនៅក្រុម១០ ភូមិលូ សង្កាត់ស្វាយប៉ាក មុខរបរមិនពិតប្រាកដ។ សំភារៈដកហូតៈ ក្រាមពណ៌សថ្លាចំនួន០៤កញ្ចប់។ ទី២ ឈ្មោះ ចាន់ សុជា ភេទប្រុសអាយុ១៩ឆ្នាំជនជាតិខ្មែរ មានទីលំនៅមិនពិតប្រាកដ មុខរបរមិនពិតប្រាកដ។ ដកហូតវត្ថុតាង៖ ក្រាមពណ៌ស ថ្លាចំនួន០១កូនថ់ងធំល្មមនឹង០៤កូនថង់តូច។

បច្ចុប្បន្ននេះ ជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕ដោយ៖ ភារ៉ា និងប៊ុនធី