រដ្ឋមន្ត្រីការបរទេសអាមេរិកផ្តើមទស្សនកិច្ចនៅវៀតណាម ក្នុងថ្ងៃនេះ
រដ្ឋមន្ត្រីការបរទេសអាមេរិក លោក Mike Pompeo នឹងបំពេញទស្សនកិច្ចផ្លូវការ នៅប្រទេសវៀតណាម នាថ្ងៃព្រហស្បតិ៍ ទី២៩ និង៣០ តុលា ឆ្នាំ២០២០នេះ នេះបើតាមក្រសួងការបរទេសវៀតណាមប្រកាសឲ្យដឹង កាលពីម្សិលមិញ។
ប្រភពថា ទស្សនកិច្ចនេះធ្វើឡើង តបតាមការអញ្ជើញរបស់ភាគីវៀតណាម ខណៈដែលប្រទេសទាំងពីរប្រារព្ធខួប២៥ឆ្នាំនៃការធ្វើឲ្យធម្មតាវិញនូវទំនាក់ទំនងទ្វេភាគី (ថ្ងៃទី១១ កក្កដា ១៩៩៥- ១១ កក្កដា ២០២០)។
លោក Mike Pompeo នឹងក្លាយជារដ្ឋមន្ត្រីការបរទេសទី៣ ដែលបំពេញទស្សនកិច្ចនៅវៀតណាម ក្នុងឆ្នាំនេះ ពោលគឺបន្ទាប់ពីទស្សនកិច្ចរបស់អង់គ្លេស និង រដ្ឋមន្ត្រីការបរទេសកូរ៉េខាងត្បូង កាលពីខែមុន សុទ្ធតែជាទស្សនកិច្ចពិបាកកើតមានឡើង ដោយសារតែការរាតត្បាតជំងឺកូវីដ១៩ ជាសកល៕
