កូវីដ១៩៖ សហរដ្ឋអាមេរិកឆ្លងថ្មី៩ម៉ឺននាក់ត្រឹម១ថ្ងៃ ជាលើកដំបូង
អត្ថបទដោយ៖
លន់ សារ៉ាត
កាលពីម្សិលមិញ សហរដ្ឋអាមេរិកមានករណីឆ្លងថ្មីនៃជំងឺកូវីដ១៩ ចំនួនជាង៩ម៉ឺននាក់ត្រឹម១ថ្ងៃ ជាការឆ្លងក្នុងចំនួនដ៏ច្រើនបំផុតពុំធ្លាប់មាន។ សកលវិទ្យាល័យ Johns Hopkins បានឲ្យដឹងថា សហរដ្ឋអាមេរិកមានឆ្លងថ្មី៩១២៩៥នាក់ ក្នុងពេល២៤ម៉ោង ម្សិលមិញ នេះបើតាមពេលជាក់ស្តែង។
អាមេរិក បច្ចុប្បន្ន មានករណីកូវីដ១៩ កើនដល់៨.៩៤លាននាក់ ចាប់តាំងពីផ្ទុះលើកដំបូងមក ជាចំនួនដ៏ច្រើនបំផុត ក្នុងពិភពលោក។ ក្រៅពីឆ្លងថ្មីជាង៩ម៉ឺនករណី ម្សិលមិញនេះដែរ មានស្លាប់មនុស្ស១០២១នាក់ផងដែរ ដោយសារតែជំងឺកូវីដ១៩នេះ ធ្វើឲ្យអ្នកស្លាប់កើនដល់២២៨៦២៥នាក់ ក៏ជាចំនួនស្លាប់ច្រើនជាងគេដែរ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
