ក្រុមរហ័សនាមហង្សក្រហម Liverpool បានយកឈ្នះ Atalanta ៥ទល់នឹង០ ខណៈ Diogo Jota ស៊ុត​បាល់​បញ្ចូលទី៣ គ្រាប់ម្នាក់ឯង នៅ Champions League ក្នុងកីឡដ្ឋាន Gewiss Stadium ក្នុងក្រុមD នារាត្រី​ថ្ងៃទី៣ ខែវិច្ឆិកា ឆ្នាំ២០២០ ។ ៥ គ្រាប់របស់ Liverpool រកបានត្រឹមរយៈពេល ១ ម៉ោងដោយកីឡាករ​ Diogo Jota ៣គ្រាប់ម្មាក់ឯង នៅនាទី ១៦ ,៣៣ និងនាទី៥៤ ពីរគ្រាប់ទៀតរកបានដោយកីឡាករ Mohamed Salah នាទី៤៧និង Sadio Mane នាទី៤៩ ។

សូមបញ្ជាក់ថានេះជាជ័យជម្នះលើកដំបូងរបស់លោក Jurgen Klopp ក្នុងនាមជាអ្នកចាត់ការទូទៅនៅលើទឹកដីអ៊ីតាលី និងជាជ័យជម្នះដ៏ធំបំផុតរបស់ Liverpool នៅក្នុងក្របខ័ណ្ឌ Champions League ចាប់តាំងពីឆ្នាំ ២០១៨ ហើយនៅថ្ងៃទី២៥ ខែវិច្ឆិកា Liverpool និងត្រូវបើកទ្វាកីឡដ្ឋាន Anfield ដើម្បីទទួលស្វាគមន៍ Atalanta វិញម្តង។