ស្ថានភាពកូវីដ១៩ក្នុងប្រទេសអាស៊ានទាំង១០
ការឆ្លងថ្មីនៃវីរុសកូវីដ១៩ក្នុងប្រទេសអាស៊ានទាំង១០នៅក្នុងរយ:ពេលនេះ២៤ម៉ោងចុងក្រោយនេះមានចំនួន៦ពាន់៦០៨ករណី និងការស្លាប់ថ្មីមានចំនួន១៩៩នាក់។ ការឆ្លងថ្មីនៅថ្ងៃនេះបានកើតឡើងលើប្រទេសចំនួន៧រួមមានប្រទេសឥណ្ឌូនេស៊ី, ហ្វីលីពីន, មីយ៉ាន់ម៉ា, ម៉ាឡេស៊ី, សឹង្ហបុរី, ថៃ, និងប្រទេសវៀតណាម។ប្រទេសដែលមានការស្លាប់ថ្មីមាន៤ប្រទេស គឺប្រទេសឥណ្ឌូណេស៊ី, ហ្វីលីពីន, មីយ៉ាន់ម៉ា, និងប្រទេសម៉ាឡេស៊ី។ ចំណែកប្រទេសដែលមិនរងការឆ្លងថ្មីមាន៣ប្រទេស គឺប្រទេសកម្ពុជា, ប្រុយណេ, និងប្រទេសឡាវ។
ប្រទេសឥណ្ឌូនេស៊ីនៅក្នុងរយ:ពេល២៤ម៉ោងចុងក្រោយនេះ មានការឆ្លងថ្មីច្រើនជាងគេក្នុងបណ្តាប្រទេសអាស៊ានដែលមានការឆ្លងថ្មីចំនួន៣ពាន់៣៥៦ករណីដែលនាំឲ្យការឆ្លងសារុបមានចំនួន៤២ម៉ឺន១ពាន់៧៣១ករណី។ ចំណែកការស្លាប់ថ្មីនៅថ្ងៃនេះមានចំនួន១១៣នាក់ដែលនាំឲ្យ ការស្លាប់សារុបបានឡើងដល់ចំនួន១ម៉ឺន៤ពាន់២៥៩នាក់។ ប្រទេសឥណ្ឌូនេស៊ីគឺ ជាប្រទេសដែលមានការឆ្លងនិងការស្លាប់ច្រើនជាងគេក្នុងចំណោមប្រទេសអាស៊ានទាំង១០។
នៅក្នុងប្រទេសមីយ៉ាន់ម៉ាមានការឆ្លងថ្មីចំនួន១ពាន់១៩៧ករណីដែលនាំឲ្យការឆ្លងសារុបមានចំនួន៥ម៉ឺន៥ពាន់៨០៤ករណី។ ចំណែការស្លាប់ថ្មីនៅថ្ងៃនេះមានចំនួន២៥នាក់ដែលនាំឲ្យការស្លាប់សារុបមានចំនួន១ពាន់៣០៧នាក់។
ប្រទេសម៉ាឡេស៊ីមានការឆ្លងថ្មីចំនួន១ពាន់៥៤ករណីដែលនាំឲ្យការឆ្លងសារុបមានចំនួន៣ម៉ឺន៤ពាន់៣៩៣ករណី។ ចំណែកការស្លាប់ថ្មីមានចំនួន១២នាក់ដែលនាំឲ្យការស្លាប់សារុបមានចំនួន២៦៣នាក់។
ចំណែកប្រទេសហ្វីលីពីននៅក្នុងរយ:ពេល២៤ម៉ោងមានការឆ្លងថ្មីចំនួន៩៧៦ករណីដែលនាំឲ្យការឆ្លងសារុបចំនួន៣៨ម៉ឺន៨ពាន់១៣៧ករណី។ ចំណែកការស្លាប់ថ្មីវិញ មានចំនួន៤៩នាក់ដែលនាំឲ្យការស្លាប់សារុបមានចំនួន៧ពាន់៣៦៧នាក់។
ប្រទេសសឹង្ហបុរីមានការឆ្លងថ្មីចំនួន១០ករណីដែលនាំឲ្យការឆ្លងសារុបមានចំនួន៥ម៉ឺន៨ពាន់៣៦ករណី។
ប្រទេសថៃមានការឆ្លងថ្មីចំនួន៥ករណីដែលនាំឲ្យការឆ្លងសារុបមានចំនួន៣ពាន់៨០៤ករណី។
ប្រទេសវៀតណាមមានការឆ្លងថ្មីចំនួន១០ករណីដែលនាំឲ្យការឆ្លងសារុបមានចំនួន១ពាន់២០២ករណី។
ចំណែកប្រទេសដែលមិនរងការឆ្លងថ្មីគឺប្រទេសកម្ពុជា, ប្រុយណេ, និងប្រទេសឡាវ។
គិតសារុបរួមនៃប្រទេសទាំង១០អាស៊ាននាពេលនេះ មានការឆ្លងសារុបមាន៩៦ម៉ឺន៣ពាន់៥៧១ករណី, និងការស្លាប់មាន២ម៉ឺន៣ពាន់៣២១នាក់។
បើគិតសារុបនៅលើសាកលលោកនោះវិញ ការឆ្លងវីរុសកូវីដ១៩សារុបមានចំនួនជាង ៤៧លានករណី, និងការស្លាប់មានជាង១លាន២២ម៉ឺននាក់។
