រដ្ឋមន្ត្រីការបរទេសកម្ពុជាលោកប្រាក់សុខុន បានធ្វើតេស្តស្វែងរកជម្ងឺកូវីដ១៩ ក្រោយសេចក្តីរាយការណ៍សម ភាគីហុងគ្រីរបស់លោកបានឆ្លងជម្ងឹកូវីដ១៩នេះ ក្នុងពេលកំពុងបំពេញទស្សនកិច្ចនៅប្រទេសថៃ។ រដ្ឋមន្ត្រីក្រ សួងការបរទេសនិងពាណិជ្ជកម្មហុងគ្រី លោកភីថឺ ស៊ីយ៉ាតូ បានបំពេញទស្សនកិច្ចមួយថ្ងៃក្នុងប្រទេសកម្ពុជា នៅ ថ្ងៃទី៣វិច្ឆិកា មុននឹងលោកបានចាកចេញទៅកាន់ប្រទេសថៃ។ សេចក្តីរាយការណ៍ពីក្រៅប្រទេសបានបញ្ជាក់ថា រដ្ឋមន្ត្រីការបរទេសហុងគ្រីលោកភីថឺ ស៊ីយ៉ាតូ ត្រូវគ្រូពេទ្យបញ្ជាក់នៅថ្ងៃនេះថាបានឆ្លងជម្ងឹកូវីដ១៩ ប៉ុន្តែមិនមាន សេចក្តីរាយការណ៍បញ្ជាក់លំអិតណាបន្ថែមទៀតនោះទេ។ ទោះជាយ៉ាងណាក៏ដោយ ក្រសួងការបរទេសកម្ពុជា បានបញ្ជាក់ថាសមាជិកគណៈប្រតិភូហុងគ្រីទាំងអស់ បានធ្វើតេស្តនិងមានវិញ្ញាបនបត្រសុខភាពបញ្ជាក់ថាគ្មាន វីរុសកូវីដ១៩ទេ មុនពេលចាកចេញពីកម្ពុជានោះ។

 សេចក្តីរាយការណ៍ពីក្រសួងការបរទេសបានបញ្ជាក់ ថា ក្រោយការរកឃើញថាសមភាគីហុងគ្រីបានឆ្លងនឹង ជម្ងឹកូវីដ១៩ រដ្ឋមន្ត្រីការបរទេសនៃប្រទេសកម្ពុជា នៅថ្ងៃនេះផងដែរ ក៏ត្រូវបានគេធ្វើតេស្តដើម្បីស្វែងរកជម្ងឹ កូវីដ១៩ផងដែរ។ មន្ត្រីជួបប្រាស្រ័យពាក់ព័ន្ធដទៃទៀតក្នុងក្រសួងការបរទេស ក៏ត្រូវបានគេពិនិត្យស្វែងរកជម្ងឺ កូវីដ១៩ជាមួយនឹងការដាក់ឲ្យធ្វើចត្តាឡីស័កផងដែរ។

លោកភីថឺ ស៊ីយ៉ាតូ​ ក្នុងដំណើរទស្សនកិច្ចកម្ពុជាថ្ងៃទី៣វិច្ឆិកា បានអញ្ជើញជួបសម្តែងការគូរសម ចំពោះសម្តេច តេជោនាយករដ្ឋមន្រ្តីហ៊ុនសែន និងជួបពិភាក្សាទ្វេ ភាគីជាមួយរដ្ឋមន្ត្រីការបរទេសកម្ពុជា។ លោក រដ្ឋមន្ត្រីនៃប្រ ទេសហុងគ្រីដដែលនោះ នៅ បានអញ្ជើញជួប ពិភាក្សាការងារជាមួយអ្នកតំណាងរាស្ត្រកម្ពុជា លោក សួស យ៉ា រា លោក វេង សុខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោក ប៉ាន សូរស័ក្តិ រដ្ឋមន្ត្រីក្រសួង ពាណិជ្ជកម្មនិងរដ្ឋមន្ត្រីទទួលបន្ទុករដ្ឋលេខាធិ ការអាកាសចរស៊ីវិល លោកម៉ៅ ហាវណ្ណាល់ ថែមទៀតផងដែរ។  សេចក្តីរាយការណ៍ពីមន្ត្រីរាជរដ្ឋាភិបាលបានបញ្ជាក់ថា ក្រៅរដ្ឋមន្ត្រីការបរទេសកម្ពុជា, ឥស្សរជនថ្នាក់ដឹកនាំ នយោបាយទាំងអស់ដែលបានជួបប្រាស្រ័យការងារជាមួយនឹងរដ្ឋមន្ត្រីក្រសួងការបរទេសនិងពាណិជ្ជកម្មហុង គ្រី កាលពីថ្ងៃទី៣ វិច្ឆិកា ក៏ត្រូវបានគេធ្វើតេស្តស្វែងរកជម្ងឺកូវីដ១៩ទាំងអស់គ្នាដែរនាពេលនេះ។