ការលក់ស្មាតហ្វូននៅជុំវិញពិភពលោក បន្តធ្លាក់ចុះ៦ភាគរយនៅត្រីមាសទី៣ ឆ្នាំ២០២០នេះ
ចិន៖ ការលក់ទូរស័ព្ទឆ្លាតវ៉ៃនៅជុំវិញពិភពលោក នៅនាត្រីមាសទី៣ ឆ្នាំ២០២០នេះ បានធ្លាក់ចុះប្រមាណ៦ភាគរយ ដោយការធ្លាក់ចុះនេះ ត្រូវបានអ្នកជំនាញមើលឃើញថា វាការធ្លាក់ចុះតិចតួច នេះបើតាមរបាយការណ៍វិភាគ និងស្រាវជ្រាវរបស់ក្រុមហ៊ុន ឌីជីថាម រីស៊ើច ដកស្រង់ចេញផ្សាយដោយសារព័ត៌មាន ហ្វូន អារិនណា នាពេលថ្មីៗ ។
នៅក្នុងត្រីមាសទី៣ឆ្នាំនេះ ក្រុមហ៊ុនផលិតស្មាតហ្វូនធំៗចំនួន០២បានប្រជែងគ្នាដណ្ដើមចំណែកទីផ្សារស្មាតហ្វូនសកល ក្នុងនោះ Samsung និង Huawei នាំមុខគេ ព្រោះក្រុមហ៊ុនទាំងពីរនេះបានចេញស្មាតហ្វូនកំពូលៗជាច្រើន ដែលធ្វើឱ្យទាក់ទាញអតិថិជន និង បានចំណាយប្រាក់ទិញ ។
បើតាមក្រុមហ៊ុន ឌីជីថាម រីស៊ើច នៅក្នុងឆ្នាំ២០២០នេះ ស្មាតហ្វូនប្រើប្រាស់បច្ចេកវិទ្យា 5G នឹងមានប្រមាណជា២០ភាគរយ នៃចំនួនស្មាតហ្វូនសរុបដែលបានលក់ ក្នុងនោះចិនជាទីផ្សារស្មាតហ្វូន 5G ធំជាងគេ ៕
