នាយករដ្ឋមន្ត្រីម្នាក់ទៀតហើយ ឆ្លងជម្ងឺកូវីដ១៩
អត្ថបទដោយ៖
លន់ សារ៉ាត
ទីភ្នាក់ងារសារព័ត៌មានស៊ីនហួរបានចេញផ្សាយ នៅថ្ងៃទី២៤ វិច្ឆិកា នេះថា នាយករដ្ឋមន្ត្រីនៃប្រទេស Belize លោក John Briceno វ័យ៦០ឆ្នាំបានឆ្លងជំងឺកូវីដ១៩ នេះបើតាមការប្រកាសរបស់ការិយាល័យនាយករដ្ឋមន្ត្រី តាមរយៈសេចក្តីថ្លែងការណ៍ កាលពីម្សិលមិញ។
ប្រភពថា« នាយករដ្ឋមន្ត្រី Briceno នឹងនៅតែស្ថិតនៅដោយឡែក ២សប្តាហ៍ទៀត ក្រោយពេលលោកតេស្តជាថ្មីទៀត»។
ប្រទេសស្ថិតក្នុងតំបន់អាមេរិកកណ្តាលមួយនេះមានអ្នកកើតជម្ងឺកូវីដ១៩ ចំនួន៥១៨៣នាក់ហើយ ក្នុងនោះ ស្លាប់១១៦នាក់។
កន្លងមក ក៏មានមេដឹកនាំប្រទេសមួយចំនួនឆ្លងជំងឺកូវីដ១៩នេះដែរ ដូចជា ប្រធានាធិបតីអាមេរិក ដូណាល់ ត្រាំ និងប្រធានាធិបតីប្រេស៊ីល Jair Bolsonaro និងនាយករដ្ឋមន្ត្រីប្រទេសអាម៉េនី លោកNikol Pashinyan ជាដើម៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
