កីឡាករ គុនចម្រុះកម្ពុជា ចាន់ រតនា ត្រូវបានអ្នកចាត់កម្មវីធីប្រដាល់កម្រិតពិភពលោក ONE CHAMPION SHIP ផ្គូរផ្គងជាមួយកីឡាករជើងខ្លាំងចិន XIE WEI នៅថ្ងៃទី១៨ នៅសង្វៀន INDOOR STADIUM ក្នុងកម្មវិធីប្រដាល់ COLLISION COURSE នៅប្រទេស សង្ហបូរី គូទី២ អំឡុងម៉ោង៧យប់ ។

នៅក្នុងជំនួបដ៍សំខាន់នៅលើសង្វៀន ONE CHAMPIONSHIP លើកទី១១របស់ខ្លួន កីឡាករ ចាន់ រតនា បានបង្ហើបអ្នកព័ត៍មានទូរទស្សន៍ អប្សរាថា រូបគេបានត្រៀមខ្លួនយ៉ាងល្អសម្រាប់ជួប កីឡាករចិនវ័យក្មេងរូបនេះ ។
ចាន់ រតនា អះអាងថា ទោះបីជាកីឡាករ ចិន XIE WEI មានអាយុតិចជាង និងពូកែខាងក្បាច់ឃីគប៊ុកស៊ីង និងចាប់ក្លេក្រោមយ៉ាងណាក្តី ក៏ចាន់ រតនា ត្រៀមខ្លួន ទប់និងវាយបករួចរាល់អស់ហើយ ។

អ្នកលេងគុនចម្រុះរូបនេះ បញ្ជាក់ទៀតថា ជំនួបលើកទី១១ ជាមួយកីឡាករចិន រូបគេមានសង្ឈឹម ១០០% ខណៈកន្លងមកការហ្វឹកហាត់ត្រៀមបានយ៉ាងល្អ ទាំងទម្ងន់ដៃ ទម្ងន់ជើង និងកម្លាំង ។ ចាន់ រតនា អះអាងបន្ថែមថា ជំនួបជាមួយកីឡាករចិន នៅសង្វៀន ONE CHAMPIONSHIP ជាលើកទី៣ រូបគេប្តេជ្ញាប្រឹងឲ្យអស់ពីសមត្ថភាព ដើម្បីបំបែកកំណត់ត្រាធ្លាប់ចាញ់២លើកកន្លងមក ។ គួររំលឹកថា កីឡាករគុនចម្រុះរបស់កម្ពុជា ចាន់ រតនា មានប្រវត្តិឡើងសង្វៀន ONE CHAMPIONSHIP ១០ដង ឈ្នះ៧ និងចាញ់៣ ប្រកួតលើកទី១១នេះ ជាជំនួបដ៍សំខាន់ ឈានទៅដណ្តើមខ្សែក្រវ៉ាត់ទម្ងន់ ៦១,២ គីឡូក្រាម នៅសង្វៀន ONE CHAMPION SHIP ។

សូមបញ្ជាក់ថា កីឡាករចិន XIE WEI មានប្រវត្តិឡើងសង្វៀន ONE Super Serie ជាសង្វៀនទី២ បាន៦ប្រកួត ឈ្នះ៥ប្រកួតជាប់ៗគ្នា ដោយផ្តួលដៃគូឲ្យសន្លប់ និងចាញ់មួយម្តង ប្រកួតទី៧ត្រូវជួបកីឡាករ ចាន់ រតនា នៅសង្វៀន INDOOR STADIUM ក្នុងកម្មវិធីប្រដាល់ COLLISION COURSE នៅប្រទេស សង្ហបូរី នាថ្ងៃទី១៨ ខែធ្នូ ឆ្នាំ២០២០ ៕