ដោយសារភ្លើងប្រចណ្ឌ័ បុរសម្នាក់ដាច់ចិត្តចង ក សម្លាប់ខ្លួនលើដៃអាអ៊ិចចោលគូរដណ្ដឹង
អត្ថបទដោយ៖
Kien Sereyvuth
ភ្នំពេញ ៖ គួរឲ្យអាសូរខ្លាំងបំផុត ខណៈបុរសម្នាក់ នៅសល់កន្លះខែទៀតត្រូវចូលក្នុងរោងការទៅហេីយ បែជាគិតខ្លីធ្វេីអត្តឃាតចង ក បញ្ចប់ជីវិតលើដៃអាអ៊ិច ចោលគូរដណ្ដឹង បង្កការភ្ញាក់ផ្អើលកាលវេលាម៉ោង៧ និង៣០នាទីយប់ថ្ងៃសុក្រ ទី១១ ខែធ្នូ ឆ្នាំ២០២០ ស្ថិតនៅក្នុងដីឡូមួយកន្លែង ក្នុងសង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។
សពជនរងគ្រោះមានឈ្មោះ ភី ភេទប្រុសអាយុ២៩ឆ្នាំ មុខរបបជាងជួសជុលអាអ៊ិច ស្នាក់នៅការដ្ឋានមួយកន្លែងជិតឡឥត៥ខ្នង ក្នុងភូមិឡកំបោរ សង្កាត់ស្វាយប៉ាក ខណ្ឌឬស្សីកែវ ។ ចំណែកនារីដែលត្រូវជាគូរដណ្ដឹងសូមមិនបញ្ចេញឈ្មោះមានអាយុទើបតែ១៦ឆ្នាំស្នាក់នៅជាមូយគ្នា។
តាមប្រភពពីគូរដណ្ដឹងបានរៀបរាប់ទាំងទឹកភ្នែកថា ជនរងគ្រោះដែលជាគូរដណ្ដឹងជិតដល់ថ្ងៃរៀបការទៅហើយនៅតែមួយខែកន្លះទៀតនិងត្រូវចូលរោងការហើយ។ ប្រភពបន្តទៀតថាបុរសជាគូរដណ្ដឹងរបស់គាត់ពេលស្រវឹងម្ដងៗតែងតែប្រើអំពើហឹង្សាដាក់គាត់ដោយសារភ្លើងប្រចណ្ឌ័ ហេីយនៅថ្ងៃកើតហេតុគាត់បានស្រវឹងស្រាដេញវាយគាត់ធ្វើឲ្យគាត់ភិតភ័យបានរត់ចេញពីការដ្ឋានទៅពួនសង្ងំផ្ទះអ្នកជិតខាងដោយសារគាត់រកខ្ញុំមិនឃើញគាត់ត្រលប់មកការដ្ឋានវិញ ខណៈពេលនោះខ្ញុំ ក៏ដើរចូលមកការដ្ឋានបានបន្តិចស្រាប់តែឃើញគាត់ចង ក និងដៃអាអ៊ិចស្លាប់បាត់ទៅហើយ។ ភ្លាមៗនោះដែររូបគាត់ក បានរាយការណ៏ទៅសមត្ថកិច្ចចុះមកដល់កន្លែងកើតហេតុ រួចសមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញរាជធានីភ្នំពេញចុះមកពិនិត្យនិងធ្វើកោសល្យវិឆ្ឆិយ័រួចរាល់ហើយបានបញ្ជាក់ថា សពបុរសខាងលើពិតជាចង ក ធ្វើអត្តឃាតសម្លាប់ខ្លួនឯងពិតប្រាកដមែន។រួចធ្វើកំណត់ហេតុប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕ ដោយ ៖ ជីម ភារ៉ា