ថៃបន្តដាក់ប្រទេសក្នុងគ្រាអាសន្នរហូតដល់ចុងខែកុម្ភៈខាងមុខ ដើម្បីទប់ស្កាត់ Covid-19 រលកថ្មី
ថៃ៖ ឯកអគ្គរាជទូតកម្ពុជាប្រចាំប្រទេសថៃ បានជូនដំណឹងដល់ប្រជាពលរដ្ឋខ្មែរ ដែលកំពុងស្នាក់នៅ សិក្សា និងធ្វើការនៅក្នុងប្រទេសថៃអោយដឹងថា រាជរដ្ឋាភិបាលថៃបានប្រកាសបន្តដាក់ប្រទេសក្នុងគ្រាអាសន្នរយ:ពេលជាង១ខែ ចាប់ពីថ្ងៃទី១៦ ខែមករា ដល់ទី២៨ ខែកុម្ភៈ ឆ្នាំ២០២១ ដើម្បីបន្តទប់ស្កាត់ និងគ្រប់គ្រងការរីករាលដាលការឆ្លងនៃជំងឺកូវីដ១៩រលកថ្មីនៅក្នុងប្រទេសថៃ ។
ស្ថានទូតកម្ពុជាបានសើ្នឱ្យប្រជាពលរដ្ឋខ្មែរនៅប្រទេសថៃទាំងអស់ បន្តចូលរួម សហការយ៉ាងសកម្មថែមទៀត ដើម្បីអនុវត្តនូវវិធានការនានារបស់រាជរដ្ឋាភិបាលថៃ ឱ្យបានខ្ជាប់ខ្លួន និងមានប្រសិទ្ធភាពខ្ពស់ ព្រមទាំងរក្សាសុខភាពអនាម័យ ដើម្បីចូលរួមបង្ការ និងទប់ស្កាត់ការរីករាលដាលនៃជំងឺកូវីដ-១៩ បន្តទៀត ។
សូមជម្រាបថា នៅទូទាំងប្រទេសថៃបច្ចុប្បន្នមានអ្នកឆ្លង COVID-19 ចំនួន៨ពាន់៩៦៦នាក់ ក្នុងនោះស្លាប់៦៥នាក់ និងជាសះស្បើយឡើងវិញ៤ពាន់៣៥២នាក់ ៕
