ក្រសួងអប់រំ ជាមួយនឹងការគាំទ្រពីអង្គការយូនីសេហ្វ នៅថ្ងៃ១១មករាឆ្នាំ២០២១នេះ បានប្រកាសចាប់ផ្ដើមអនុវត្តយុទ្ធនាការសម្រាប់ការចូលរៀនវិញនៅទូទាំងប្រទេស ដើម្បីលើកទឹកចិត្តឲ្យកុមារកម្ពុជាចូលរៀនវិញ ហើយនៅតែបន្តអនុវត្តឥរិយាបថសុវត្ថិភាព ដើម្បីបង្ការការឆ្លងរាលដាលជំងឺកូវីដ-១៩។

យុទ្ធនាការនោះ ធ្វើឡើងក្រោមប្រធានបទ “ការពារខ្លួនឥលូវនេះ កុំចាំស្អែក” ដោយពង្រឹងការអនុវត្តឥរិយាបថការពារសុវត្ថិភាព សុខភាពល្អ និងការអភិវឌ្ឍសម្រាប់កុមារ។ សារអប់រំទាំងនោះ នឹងត្រូវបានគេផលិតជាវីដេអូ ផ្ទាំងអប់រំ ស្ប៉តវិទ្យុ និងសារជាអក្សរ ជាមួយនឹងភាពច្នៃប្រឌិត សម្រាប់ផ្សព្វផ្សាយទៅទូទាំងប្រទេស៕កឹម ទៀង